ກ່າວຄຳເຫັນຕໍ່ວົງການສື່ມວນຊົນໃນຖ້ຽວບິນແຕ່ ອູເບີກິສະຖານ ໃນວັນທີ 12 ພະຈິກ, ທ່ານປະທານາທິບໍດີ ຕວັກກີ Recep Tayyip Erdogan ໄດ້ໃຫ້ຄຳໝັ້ນສັນຍາຊຸກຍູ້ການເຈລະຈາສັນຕິພາບລະຫວ່າງ ລັດເຊຍ ແລະ ຢູແກຼນ. ທ່ານກໍຕີລາຄາສູງຕໍ່ຄວາມສາມາດຮັບມືຂອງລັດເຊຍ ຕໍ່ກຳລັງກົດດັ່ນຈາກຝ່າຍ ອາເມລິກາ ແລະ ບັນດາປະເທດສຳພັນທະມິດ.

         ກ່ຽວຂ້ອງເຖິງຂໍ້ຕົກລົງວ່າດ້ວຍການສົ່ງອອກທັນຍາຫານລະຫວ່າງ ລັດເຊຍ ແລະ ຢູແກຼນ, ທ່ານ ປະທານາທິບໍດີ ຕວັກກີ ກໍໃຫ້ຮູ້ວ່າ ຕວັກກີ ບໍ່ສະເໜີວັນເວລາລະອຽດເພື່ອຕໍ່ກຳນົດເວລາຂໍ້ຕົກລົງສະບັບນີ້, ແຕ່ເຖິງຢ່າງໃດກໍຫວັງວ່າ ຂໍ້ຕົກລົງສະບັບນີ້ຈະມີຜົນສັກສິດ “ຍິ່ງດົນກໍຍິ່ງດີ”. ປັດຈຸບັນ, ບັນດາຝ່າຍທີ່ກ່ຽວຂ້ອງພວມມານະພະຍາຍາມເພື່ອຊຸກຍູ້ການແກ່ຍາວຂໍ້ຕົກລົງສະບັບດັ່ງກ່າວ.