ຖັນແຖວນັກທຸລະກິດຍິງ ແມ່ນກຳລັງມີບົດບາດ ສຳຄັນ
(ພາບ: doanhnhansaigon.vn )
(vovworld) –ວັນທີ 19/10, ກອງປະຊຸມໃຫ່ຍສ້າງຕັ້ງສະຫະສະມາຄົມນັກທຸລະກິດຍິງຫວຽດນາມ ໄດ້ຖືກຈັດຂຶ້ນຢູ່ຮ່າໂນ້ຍ. ສະຫະສະມາຄົມນັກທຸລະກິດຍິງຫວຽດນາມ ກຳນົດຈຸດໝາຍໃນອາຍຸການທີ 1 ແມ່ນເຕົ້າໂຮມ, ສາມັກຄີບັນດານັກທຸລະກິດຍິງ, ວິສາຫະກິດຂຶ້ນກັບທຸກພາກສ່ວນເສດຖະກິດ, ບັນດາອົງການຜູ້ຕາງໜ້າຂອງນັກທຸ ລະກິດຍິງ, ວິສາຫະກິດຍິງ; ເສີມຂະຫຍາຍຄວາມສາມາດ, ພູມປັນຍາ ແລະ ກຳລັງແຮງຂອງຖັນແຖວນັກທຸລະກິດຍິງຫວຽດນາມ ໃນການພັດທະນາເສດຖະກິດ, ຍົກສູງປະສິດທິຜົນການຜະລິດ, ດຳເນີນທຸລະກິດ, ການບໍລິການ, ປະກອບສ່ວນພັດທະນາປະຊາຄົມວິສາຫະກິດ ແລະ ນັກທຸລະກິດໃນໄລຍະພັດທະນາໃໝ່ຂອງປະເທດຊາດ. ກ່າວຄຳເຫັນທີ່ກອງປະຊຸມໃຫ່ຍ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ຕີລາຄາສູງບັນດາຜົນງານ, ການປະກອບສ່ວນອັນໃຫ່ຍຫຼວງຂອງແມ່ຍິງຫວຽດນາມ ເວົ້າລວມແລະ ບັນດານັກທຸລະກິດຍິງເວົ້າສະເພາະຕໍ່ພາລະກິດສ້າງສາ ແລະ ພັດທະນາປະເທດຊາດ. ທ່ານເນັ້ນໜັກວ່າ: ຖັນແຖວນັກທຸລະກິດແມ່ນກຳລັງມີບົດບາດສຳຄັນໃນພາລະກິດຫັນປະເທດຊາດເປັນອຸດສາຫະກຳ ແລະ ທັນສະໄໝ; ສ້າງຖັນແຖວນັກທຸລະກິດເຕີບໃຫ່ຍເຂັ້ມແຂງ, ມີຄວາມສາມາດ, ມີລະດັບຄວາມຮູ້ ແລະ ຄຸນນະທາດ, ອິດທິພົນຊື່ສຽງສູງຈະປະກອບສ່ວນຍົກສູງຄຸນນະພາບ, ປະສິດທິຜົນ, ກຳລັງແກ່ງແຍ້ງ, ພັດທະນາຢ່າງໄວວາ ແລະ ໝັ້ນຄົງ, ຮັກສາຄວາມເປັນເອກະລາດ, ເປັນເຈົ້າຕົນເອງຂອງພື້ນຖານເສດຖະກິດ. ຍາມໃດພັກ, ລັດຫວຽດນາມ ກໍ່ໄດ້ເອົາໃຈໃສ່ເສີມຂະຫຍາຍບົດບາດຂອງຖັນແຖວນັກທຸລະກິດຍິງ./.