(vovworld) - ໃນຂອບເຂດການເຮັດວຽກຢູ່ແຂວງ ອຽນບ໋າຍ, ວັນທີ 22/02, ທີ່ເທດສະບານ ເຫງັ້ຍໂຫຼ້, ທ່ານນາງຮອງປະທານສະພາແຫ່ງຊາດຫວຽດນາມ ຕ່ອງທິຟ໋ອງ ໄດ້ມີການເຮັດວຽກກັບການນຳແຂວງອຽນບ໋າຍ, ການນຳເທດສະບານ ເຫັ້ງຍໂຫຼ້. ກ່າວຄຳເຫັນທີ່ການເຮັດວຽກ, ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ສະເໜີແຂວງ, ສືບຕໍ່ມານະພະຍາຍາມປະຕິບັດບັນດາຄາດໝາຍທີ່ໄດ້ວາງອອກ. ທ່ານກ່າວວ່າ.
“ຂ້າພະເຈົ້າຊົມເຊີຍເລື່ອງ ແຂວງອຽນບ໋າຍ ໄດ້ສຸມສະຕິຢ່າງສູງ ເພື່ອປະຕິບັດມະຕິກອງປະຊຸມໃຫຍ່ຄັ້ງທີ 11 ຂອງພັກ ແລະ ມະຕິກອງປະຊຸມໃຫຍ່ອົງຄະນະພັກແຂວງ. ໃນໄລຍະຈະມາເຖິງ, ໃນວິວັດການທີ່ພວກເຮົາແກ້ໄຂບັນດາຂໍ້ຈຳກັດ, ຂໍ້ຂາດຕົກບົກຜ່ອງນັ້ນ, ບັນດາສະຫາຍຈະສືບຕໍ່ຖອດຖອນບົດຮຽນ. ປະຈຸບັນ, ພວກເຮົາພວມກະກຽມການຜັນຂະຫຍາຍກອງປະຊຸມໃຫຍ່, ສູນກາງພັກໄດ້ສ້າງຕັ້ງບັນດາອະນຸກຳມະການ, ທາງແຂວງຕ້ອງສືບຕໍ່ກວດກາ, ຕີລາຄາຄືນບັນດາເນື້ອໃນພວມມີຢູ່ແລ້ວ, ບັນດາເນື້ອໃນທີ່ອາດສາມາດປະຕິບັດໄດ້”.