ນີ້ແມ່ນໂຄງການຂອງກຸ່ມບໍລິສັດ LG Displays (ສ.ເກົາຫຼີ) ທີ່ລົງທຶນເຂົ້າຫວຽດນາມ ດ້ວຍຈຳນວນເງິນລົງທຶນ 1,5 ຕື້ USD, ຜະລິດບັນດາຜະລິດຕະພັນໜ້າຈໍເຕັກໂນໂລຊິສູງ. ກ່າວຄຳເຫັນທີ່ພິທີເປີດສະຫຼອງ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຍ້ອງຍໍຊົມເຊີຍກຸ່ມບໍລິສັດ LG Displays ໄດ້ຮີບເຮັ່ງກໍ່ສ້າງໂຮງງານ ແລະ ຖືວ່າ, ໂຄງການໄດ້ປະກອບສ່ວນຊຸກຍູ້ການພົວພັນຄູ່ຮ່ວມມືຍຸດທະສາດຫວຽດນາມ - ສ.ເກົາຫຼີ ໃຫ້ນັບມື້ນັບພັດທະນາຢ່າງດີງາມ ແລະ ແທດຈິງ, ມີປະສິດທິຜົນ. ທ່ານນາຍົກລັດຖະມົນຕີ ຫງວຽນຊວນຟຸກ ປາດຖະໜາວ່າ, ກຸ່ມບໍລິສັດ ຍົກສູງອັດຕາການຜະລິດຢູ່ພາຍໃນປະເທດ, ຜະລິດຢ່າງປອດໄພ ແລະ ລົງທຶນແບບຍືນຍົງຢູ່ຫວຽດນາມ.

        ໃນຕອນບ່າຍວັນທີ 04 ທັນວາ, ທ່ານນາຍົກລັດຖະມົນຕີ ຫງວຽນຊວນຟຸກ ກໍ່ໄດ້ເຂົ້າຮ່ວມພີທີເປີດສະຫຼອງສະພານລອຍ ແລະ ທາງແຍກຄົມມະນາຄົມ ຫງວຽນບິງຄຽມ, ນະຄອນຫາຍຟ່ອງ.