ກອງປະຊຸມສະໄໝສາມັນປະຈຳເດືອນມິຖຸນາ 2024 ຂອງລັດຖະບານ (ພາບ: VOV)

ໃນກອງປະຊຸມ, ກະຊວງແຜນການ ແລະ ການລົງທຶນໃຫ້ຮູ້ວ່າ ໃນເດືອນ ມິຖຸນາ, ໄຕມາດ 2 ແລະ 6 ເດືອນຕົ້ນປີ, ສະພາບການເສດຖະກິດສັງຄົມບັນລຸຄາດໝາຍລວມກ່ຽວກັບການຮັກສາເສດຖະກິດມະຫາພາກເປັນປົກກກະຕິ, ໄພເງິນເຟີ້ໄດ້ຮັບການຄວບຄຸມ, ຊຸກຍູ້ການເຕີບໂຕ, ຮັບປະກັນບັນດາດຸ່ນດຽງໃຫຍ່ຂອງພື້ນຖານເສດຖະກິດ ໄດ້ໂດຍພື້ນຖານ. ການຜະລິດດຳເນີນທຸລະກິດ, ການສົ່ງອອກ, ພັດທະນາວິສາຫະກິດ, ດຶງດູດເງິນລົງທຶນໂດຍກົງຈາກຕ່າງປະເທດ (FDI) ໄດ້ຮັບການປັບປຸງ. ພົ້ນເດັ່ນແມ່ນລະດັບ GDP ໄຕມາດ 1 ບັນລຸ 5,66% (ສູງທີ່ສຸດໃນພາກພື້ນ ອາຊີຕາເວັນອອກສ່ຽງໃຕ້); GDP ໄຕມາດ 2 ສູງກວ່າ ໄຕມາດ 1, ບັນລຸ 6,93%. ກ່າວຄຳເຫັນໃນກອງປະຊຸມ, ທ່ານນາຍົກລັດຖະມົນຕີ ຟ້າມມິງຈິງ ຖືວ່າ ໃນ 6 ເດືອນທ້າຍປີ ແລະ ໄລຍະຈະມາເຖິງ, ຕ້ອງແກ້ໄຂບັນດາຂໍ້ຈຳກັດ, ບໍ່ເໝາະສົມ, ຜ່ານຜ່າຄວາມຫຍຸ້ງຍາກ ແລະ ສິ່ງທ້າທາຍ; ພິເສດ, ສູ້ຊົນນຳການເຕີບໂຕໃນໄຕມາດ III ບັນລຸ 6,5 -7%, ໄພເງິນເຟີ້ ຕ່ຳກວ່າ 4,5%; ສືບຕໍ່ໃຫ້ບຸລິມະສິດໃນການຊຸກຍູ້ການເຕີບໂຕຕິດພັນກັບການຮັກສາເສດຖະກິດມະຫາພາກ, ຄວບຄຸມໄພເງິນເຟີ້, ຮັບປະກັນບັນດາດຸ່ນດ່ຽງໃຫຍ່ຂອງພື້ນຖານເສດຖະກິດ.

ຫວູຄວຽນ