ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ກ່າວຄຳເຫັນທີ່ກອງປະຊຸມ

        ຕອນເຊົ້າວັນທີ 27 ພະຈິກ, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເປັນປະທານກອງປະຊຸມກັບບັນດາກະຊວງ, ຂະແໜງການ, ຫົວໜ່ວຍຕ່າງໆກ່ຽວກັບການຊຸກຍູ້ການຄົ້ນຄວ້າ, ຖ່າຍທອດເຕັກໂນໂລຢີຜະລິດວັກຊິນ, ຢາປິ່ນປົວພະຍາດໂຄວິດ - 19 ຢູ່ພາຍໃນປະເທດ ແລະ ການນຳເຂົ້າວັກຊິນ, ຢາປິ່ນປົວພະຍາດໂຄວິດ - 19. ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຟ້າມມິງຈິງ ຢັ້ງຢືນວ່າ ຖ້າຫາກຢາກຕ້ານໂລກລະບາດໄດ້ເປັນຢ່າງດີນັ້ນ ຕ້ອງມີວັກຊິນ ແລະ ມາດຕະການປ້ອງກັນ, ຕ້ານໂລກລະບາດ ບວກກັບສະຕິໃນການປ້ອງກັນ, ຕ້ານໂລກລະບາດຂອງປະຊາຊົນ. ທ່ານກໍເນັ້ນໜັກວ່າ ບັນດາອົງການ, ຫົວໜ່ວຍທີ່ກ່ຽວຂ້ອງຕ້ອງພະຍາຍາມເພື່ອເປົ້າໝາຍລວມ, ເພື່ອຜົນປະໂຫຍດແຫ່ງຊາດ, ຜົນປະໂຫຍດຂອງປະຊາຊົນ, ຕ້ອງຖືສຸຂະພາບ ແລະ ຊີວິດອິນຊີຂອງປະຊາຊົນເໜືອກວ່າສິ່ງໃດໝົດ. ເປົ້າໝາຍແມ່ນເຮັດແນວໃດ ຕ້ອງຜະລິດວັກຊິນ, ຢາປິ່ນປົວ ແລະ ຜະລິດຕະພັນກວດວິໄຈເຊື້ອໄວຣັດ, ອຸປະກອນການແພດຢູ່ພາຍໃນປະເທດໃຫ້ໄດ້, ວ່ອງໄວ, ທັນການ ແຕ່ຕ້ອງມີວິທະຍາສາດ, ປອດໄພ ແລະ ມີປະສິດທິຜົນ.