ທ່ານນາຍົກລັດຖະມົນຕີ ຟ້າມມິງຈິງ ເຂົ້າຮ່ວມພິທີລົງມືກໍ່ສ້າງເຂດອຸດສາຫະກຳ VSIP3 ຢູ່ບິ່ງເຢືອງ
(VOVWORLD) -ຕອນເຊົ້າວັນທີ 19 ມີນາ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເຂົ້າຮ່ວມພິທີ ລົງມືກໍ່ສ້າງເຂດອຸດສາຫະກຳຫວຽດນາມ - ສິງກະໂປ 3 (VSIP3) ຢູ່ແຂວງ ບິ່ງເຢືອງ - ເຂດອຸດສາຫະກຳ VSIP ທີ11 ຂອງທົ່ວປະເທດ ແລະ ເປັນເຂດອຸດສາຫະກຳ VSIP ທີ 3 ຂອງແຂວງ.
 ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ກ່າວຄຳເຫັນທີ່ພິທີ (ພາບ: chinhphu.vn) |
VSIP 3 ໄດ້ກໍ່ສ້າງໃນເນື້ອທີ 1000 ເຮັກຕາ, ດ້ວຍເງິນລົງທຶນທັງໝົດຫຼາຍກ່ວາ 6.400 ຕື້ດົ່ງຢູ່ ເມືອງ ບັກເຕິນອຽນ, ແຂວງບິ່ງເຢືອງ ເຊິ່ງສະແດງໃຫ້ເຫັນວ່າ ເປັນຮູບແບບປະສົບຜົນສຳເລັດໃນການຮ່ວມມືລະຫວ່າງ ຫວຽດນາມ - ສິງປະໂກ ແລະ ຍາມໃດ ຫວຽດນາມ ກໍ່ແມ່ນສະຖານທີ່ດຶງດູດຂອງນັກລົງທຶນ.
ຕາງໜ້າການນຳພັກ, ລັດ, ທ່ານຟ້າມມິງຈິງ ເນັ້ນໜັກວ່າ ໂຄງການແມ່ນພະຍານຫຼັກຖານທີ່ມີຊີວິດຊີວາໃນການຫັນການໜູນຊ່ວຍຈາກລັດຖະບານ ຫວຽດນາມ ແລະ ສິງກະໂປໃຫ້ປະກົດຜົນເປັນຈິງ, ຄຳໝັ້ນສັນຍາຂອງ ວິສາຫະກິດ ຫວຽດນາມ ແລະ ສິງກະໂປໃນການຮ່ວມມືດຳເນີນທຸລະກິດ ແລະ ມານະພະຍາຍາມຊຸກຍູ້ການຟື້ນຟູເສດຖະກິດຂອງ ຫວຽດນາມ. ທ່ານນາຍົກລັດຖະມົນຕີ ສະເໜີໃຫ້ການນຳບັນດາກະຊວງ, ຂະແໜງການ, ທຸກຂັ້ນຂອງແຂວງບິ່ງເຢືອງ ແລະ ປະຊາຊົນຢູ່ເຂດທີ່ມີໂຄງການ ຈົ່ງສົມທົບກັບເຈົ້າຂອງໂຄງການໃຫ້ເປັນຢ່າງດີເພື່ອຮັບຜະກັນການປະຕິບັດໂຄງການຖືກຕາມກົດໝາຍ, ຄວາມຄືບໜ້າ, ຮັບປະກັນຄຸນນະພາບ ຄວາມປອດໄພ, ມີປະສິດທິຜົນ, ປົກປັກຮັກສາສິ່ງແວດລ້ອມໃຫ້ເປັນຢ່າງດີ ແລະ ຮັບປະກັນຊີວິດສັງຄົມ ໃຫ້ແກ່ປະຊາຊົນຢູ່ທ້ອງຖິ່ນ.