ທ່ານນາຍົກລັດຖະມົນຕີ ລາຊະອານາຈັກ ໂຮນລັງ ຈະມາຢ້ຽມຢ້າມ ຫວຽດນາມ ຢ່າງເປັນທາງການ ໃນວັນທີ 09 ເມສາ
(VOVWORLD) - ກະຊວງການຕ່າງປະເທດ ຫວຽດນາມໄດ້ແຈ້ງໃຫ້ຮູ້ໃນ ວັນທີ 4 ເມສາວ່າ ທ່ານ Mark Rutte ນາຍົກລັດຖະມົນຕີ ລາຊະອານາຈັກ ໂຮນລັງ ຈະມາຢ້ຽມຢາມ ຫວຽດນາມຢ່າງເປັນທາງການ ໃນວັນທີ 09 ເມສາ.
 ທ່ານ ຫງວຽນຊວນຟຸກ ນາຍົກລັດຖະມົນຕີ ສາທາລະນະລັດ ສັງຄົມນິຍົມ ຫວຽດນາມ ແລະ ທ່ານ Mark Rutte ນາຍົກລັດຖະມົນຕີ ລາຊະອານາຈັກ ໂຮນລັງ (ພາບ: TTXVN) |
ການຢ້ຽມຢາມໄດ້ປະຕິບັດຕາມຄຳເຊີນຂອງທ່ານ ຫງວຽນຊວນຟຸກ ນາຍົກລັດຖະມົນຕີ ສາທາລະນະລັດ ສັງຄົມນິຍົມ ຫວຽດນາມ.
ຄາດວ່າ, ໃນຂອງເຂດການຢ້ຽມຢາມ, ທ່ານ Mark Rutte ຈະມີການພົບປະເຈລະຈາກັບທ່ານ ຫງວຽນຊວນຟຸກ ແລະ ພ້ອມກັນເປັນສັກຂີພິຍານພິທີລົງນາມໃນບັນດາເອກະສານການຮ່ວມມືລະຫວ່າງສອງປະເທດ, ເຂົ້າຢ້ຽມຂ່ຳນັບທ່ານ ຫງວຽນຝຸ້ຈ້ອງ ເລຂາທິການໃຫຍ່, ປະທານປະເທດ ຫວຽດນາມ, ມີການພົບປະເຈລະຈາກັບທ່ານນາງ ຫງວຽນທິກິມເງິນ ປະທານສະພາແຫ່ງຊາດ ຫວຽດນາມ.