ທ່ານນາຍົກລັດຖະມົນຕີ ຫງວຽນຊວນຟຸກ ພົບປະກັບຜູ້ມີສິດເລືອກຕັ້ງນະຄອນຫາຍຟ່ອງ (ພາບ: thanhnien.vn)

ນະທີ່ນີ້, ພາຍຫຼັງມີການພົບປະແລກປ່ຽນກັບຜູ້ມີສິດເລືອກຕັ້ງກ່ຽວກັບບັນດາບັນຫາທີ່ຜູ້ມີສິດເລືອກຕັ້ງມີຄວາມສົນໃຈ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ຊີ້ນໍາການນໍານະຄອນຫາຍຟ່ອງວ່າ ເອົາໃຈໃສ່ແກ້ໄຂບາງບັນຫາ ເຊິ່ງຜູ້ມີສິດເລືອກຕັ້ງມີຄວາມສົນໃຈໃນບໍລິເວນນະຄອນ. ທ່ານນາຍົກລັດຖະມົນຕີ ຫງວຽນຊວນຟຸກ ຢັ້ງຢືນວ່າ:

        “ຕ້ອງເອົາໃຈໃສ່ເຖິງປະຊາຊົນໃຫ້ຫຼາຍກວ່າອີກ. ເປົ້າໝາຍສຸດທ້າຍແມ່ນຮັບໃຊ້ປະຊາຊົນ. ຢາກເຮັດໄດ້ຄືແນວນັ້ນ, ພະນັກງານຕ້ອງເປັນແບບຢ່າງ, ສຸດອົກສຸດໃຈເພື່ອປະຊາຊົນ. ທີສອງແມ່ນ ຕ້ອງປະຕິບັດລະບຽບວິໄນໃຫ້ເປັນຢ່າງດີ. ພະນັກງານຂັ້ນລຸ່ມຕ້ອງເຄົາລົບຂັ້ນເທິງ. ຈັດຕັ້ງການປະຕິບັດບັນດາແຜນນະໂຍບາຍ, ແນວທາງ, ກົດໝາຍ ໃນບັນດາການເຄື່ອນໄຫວໃຫ້ເປັນຢ່າງດີ, ໂດຍສະເພາະແມ່ນຢູ່ຂັ້ນຮາກຖານ”.

        ກ່ຽວກັບນະໂຍບາຍດຶງດູດ FDI ໃນໄລຍະຈະມາເຖິງ, ທ່ານນາຍົກລັດຖະມົນຕີ ຊີ້ແຈ້ງວ່າ ລັດຖະບານສົ່ງເສີມບັນດາໂຄງການເຕັກໂນໂລຢີສູງ, ເປັນມິດກັບສິ່ງແວດລ້ອມ, ຮັບປະກັນການແກ້ງແຍ້ງຢ່າງປອດໃສກັບບັນດາວິສາຫະກິດພາຍໃນປະເທດ.

        ແລະກໍໃນວັນດຽວກັນ, ທ່ານຮອງນາຍົກລັດຖະມົນຕີຜູ້ປະຈໍາການລັດຖະບານຫວຽດນາມ ເຈືອງຮວ່າບິງ ພ້ອມດ້ວຍຄະນະສະມາຊິກສະພາແຫ່ງຊາດແຂວງລອງອານ ກໍມີການພົບປະກັບຜູ້ມີສິດເລືອກຕັ້ງເມືອງເບັ໋ນລຶກ. ນະທີ່ນີ້, ທ່ານຮອງນາຍົກລັດຖະມົນຕີ ເຈືອງຮວ່່າບິງ ໄດ້ຮັບຮູ້ບັນດາການປະກອບຄໍາຄິດເຫັນ, ຂໍ້ສະເໜີຂອງຜູ້ມີສິດເລືອກຕັ້ງ ແລະ ຖືວ່າ ນີ້ແມ່ນບັນຫາທີ່ແທດຈິງ. ທ່ານ ເຈືອງຮວ່່າບິງ ສະແດງຄວາມຂອບໃຈ ແລະ ຮັບເອົາບັນດາການປະກອບຄໍາເຫັນທີ່ກົງໄປກົງມາ, ມີຄວາມຮັບຜິດຊອບຂອງຜູ້ມີສິດເລືອກຕັ້ງ ກ່ຽວກັບບັນດາບັນຫາໃຫຍ່ຂອງປະເທດຊາດ ກໍຄື ບັນຫາຊີວິດການເປັນຢູ່ຂອງປະຊາຊົນໃນບໍລິເວນແຂວງ.