ທ່ານປະທານປະເທດ ເຈີນດ້າຍກວາງພົບປະສົນທະນາກັບສະຫະພັນບັນດາວິສາຫະກິດ ອາເມລິກາ ໃນ APEC
|
(vovworld)- ວັນທີ 18/11, ຢູ່ ເປຣູ, ກ່າວຄຳເຫັນທີ່ການພົບປະສົນທະນາກັບສະຫະພັນບັນດາວິສາຫະກິດ ອາເມລິກາ ໃນ APEC, ທ່ານປະທານປະເທດ ເຈີນດ້າຍກວາງ ໄດ້ແຈ້ງໃຫ້ວົງການນັກທຸລະກິດ ອາເມລິກາ ກ່ຽວກັບສະພາບການພັດທະນາເສດຖະກິດສັງຄົມຢູ່ຫວຽດນາມ. ທ່ານປະທານປະເທດ ຢືນຢັນ: ແຜນນະໂຍບາຍຂອງລັດຫວຽດນາມ ແມ່ນສຸມໃສ່ຊຸກຍູ້ກິດຈະການປ່ຽນແປງໃຫມ່ ພັດທະນາຢ່າງຄົບຊຸດໃນທຸກຂົງເຂດ ດ້ວຍຄາດໝາຍພັດທະນາຢ່າງວ່ອງໄວ ແລະ ໝັ້ນຄົງ. ຫວຽດນາມ ພວມເອົາໃຈໃຈເປັນພິເສດເຖິງການໝູນໃຊ້ວິທະຍາສາດເຕັກໂນໂລຊີ ເຂົ້າໃນກິດຈະການພັດທະນາຕາມທິດເຕັກໂນໂລຊີສູງ, ສະອາດ, ຂຽວ. ພ້ອມກັນນັ້ນ ຫວຽດນາມ ກໍມີແຜນນະໂຍບາຍສືບຕໍ່ເຊື່ອມໂຍງເຂົ້າກັບສາກົນຢ່າງເລິກເຊິ່ງ ແລະ ກວ້າງຂວາງໃນທຸກຂົງເຂດ, ບໍ່ພຽງແຕ່ຂອງຂອບເຂດ ອາຊຽນ ເທົ່ານັ້ນ ຫາກມີຄວາມປາດຖະຫນາຢາກເປັນຂົວຕໍ່ບັນດາພື້ນຖານເສດຖະກິດ ອາຊຽນ ກັບບັນດາພື້ນຖານເສດຖະກິດອື່ນໃນໂລກ.