ທ່ານປະທານປະເທດ ຫວຽດນາມ Truong Tan Sang ພົບປະກັບຜູ້ມີສິດເລືອກຕັ້ງ
ພາບ: internet
|
(vovworld) - ສືບຕໍ່ໂຄງການພົບປະກັບຜູ້ມີສິດເລືອກຕັ້ງກ່ອນດຳເນີນກອງປະຊຸມສະໄຫມສາມັນເທ່ືອທີ່ 4 ສະພາແຫ່ງຊາດ ຫວຽດນາມ ຊຸດທີ 13, ຕອນເຊົ້າວັນທີ 18/10, ທ່ານປະທານປະເທດ ຫວຽດນາມ Truong Tan Sang ແລະ ບັນດາສະມາຊິກສະພາແຫ່ງຊາດນະຄອນ ໂຮ່ຈິມິນ ໄດ້ມີການພົບປະກັບຜູ້ມີສິດເລືອກຕັ້ງເມືອງ 4 ນະຄອນ ໂຮ່ຈິມີນ. ທີ່ການພົບປະ, ຜູ້ມີສິດເລືອກຕັ້ງກວ່າ 300 ຄົນ ໄດ້ສະແດງຄວາມມຸ່ງມາດປາດຖະຫນາໃນການແກ້ໄຂບັນດານະໂຍບາຍທີ່ມີຕໍ່ຜູ້ມີຄຸນງາມຄວາມດີ, ນະໂຍບາຍສາທາລະນະສຸກ, ການບໍລິຫານເສດຖະກິດສັງຄົມຍັງມີຂໍ້ຂາດຕົກບົກຜ່ອງ, ພິເສດ ສະພາບການສໍ້ລາດບັງຫລວງບໍ່ທັນໄດ້ຮັບການແກ້ໄຂ…. ຕາງຫນ້າຄະນະສະມາຊິກສະພາແຫ່ງຊາດນະຄອນ ໂຮ່ຈິມິນ, ທ່ານປະທານປະເທດ ໄດ້ຮັບເອົາຄວາມເຫັນ, ຂໍ້ສະເຫນີຂອງຜູ້ມີສິດເລືອກຕັ້ງ. ເມື່ອເຕື້ອງເຖິງການສໍ້ລາດບັງຫລວງ, ທ່ານປະທານປະເທດ Truong Tan Sang ເນັ້ນຫນັກວ່າ: ສະພາບການສໍ້ລາດບັງຫລວງແມ່ນຮ້າຍແຮງທີ່ສຸດ, ໄລຍະຜ່ານມາການແກ້ໄຂບໍ່ທັນບັນລຸປະສິດທິຜົນ, ສະນັ້ນ ພັກຕ້ອງຊີ້ນຳໂດຍກົງ ແລະ ໄລຍະຈະມາເຖິງຈະບູລະນະຄະນະຊີ້ນຳພາຍໃຕ້ການນຳພາຂອງທ່ານເລຂາທິການໃຫຍ່.
“ພວກຂ້າພະເຈົ້າຕ້ອງປະຕິບັດຢ່າງກົງໄປກົງມາ ແລະ ປະຈຳປີ ພວກຂ້າພະເຈົ້າຕ້ອງປ່ອນບັດ, ສະນັ້ນ ທຸກສິ່ງທຸກຢ່າງຕ້ອງຈະແຈ້ງເພື່ອເຫັນໄດ້ຄວາມໄວ້ວາງໃຈຂອງພວກຂ້າພະເຈົ້າຕໍ່ປະຊາຊົນ, ຕໍ່ສະພາແຫ່ງຊາດຄືແນວໃດ. ສຳລັບຂ້າພະເຈົ້າແລ້ວ ຖ້າຫາກສະພາແຫ່ງຊາດບໍ່ໄວ້ວາງໃຈອີກ ຂ້າພະເຈົ້າຈະຂໍລາອອກຈາກຕຳແໜ່ງ”