ທ່ານປະທານສະພາແຫ່ງຊາດ ເວືອງດິ່ງເຫວະ ໄປຢ້ຽມຢາມ ໄທ ຢ່າງເປັນທາງການ: ຊຸກຍູ້ການພົວພັນຄູ່ຮ່ວມມືຍຸດທະສາດ ເພີ່ມທະວີ ຫວຽດນາມ - ໄທ
(VOVWORLD) - ວັນທີ 7 ທັນວາ, ທ່ານປະທານສະພາແຫ່ງຊາດ ເວືອງດິ່ງເຫວະ ໄດ້ນຳໜ້າ ຄະນະຜູ້ແທນຂັ້ນສູງສະພາແຫ່ງຊາດ ຫວຽດນາມ ໄປຢ້ຽມຢາມ ໄທ ຢ່າງເປັນທາງການ. ການຢ້ຽມຢາມ ໄດ້ດຳເນີນໃນລະຫວ່າງວັນທີ 7 – 10 ທັນວາ.
 ປະທານສະພາແຫ່ງຊາດ ຫວຽດນາມ ແລະ ປະທານສະພາແຫ່ງຊາດ ໄທ (ພາບ: Quochoi.vn)
|
ຕາມທ່ານນາງ ເລທູຮ່າ ຮອງຫົວໜ້າກຳມາທິການ ການຕ່າງປະເທດ ຂອງ ສະພາແຫ່ງຊາດ ແລ້ວ, ການຢ້ຽມຢາມ ໄທ ຢ່າງເປັນທາງການຂອງ ທ່ານປະທານສະພາແຫ່ງຊາດ ເວືອງດິ່ງເຫວະ ແມ່ນເພື່ອແນໃສ່ຊຸກຍູ້ການພົວພັນຮ່ວມມື ລະຫວ່າງ ຫວຽດນາມ ແລະ ໄທ ຢ່າງມີປະສິດທິຜົນ, ມີຄວາມແທດຈິງໃນທຸກຂົງເຂດ, ທຸກຊ່ອງທາງ: ພັກ, ສະພາແຫ່ງຊາດ, ລັດຖະບານ ແລະ ການພົບປະແລກປ່ຽນປະຊາຊົນ, ເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ, ສະແດງໃຫ້ເຫັນການຖືການພົວພັນຄູ່ຮ່ວມມືຍຸດທະສາດ ເພີ່ມທະວີ ຫວຽດນາມ - ໄທ ເປັນສຳຄັນ.
ໃນການຢ້ຽມຢາມຄັ້ງນີ້, ຄາດວ່າ ສອງຝ່າຍຈະແລກປ່ຽນບັນດາມາດຕະການເພີ່ມທະວີການຮ່ວມມືລະຫວ່າງອົງການນິຕິບັນຍັດສອງປະເທດ ໃນຂອບເຂດສອງຝ່າຍ ແລະ ຫຼາຍຝ່າຍ, ແລກປ່ຽນບັນດາບັນຫາສາກົນ ແລະ ພາກພື້ນ ທີ່ຕ່າງຝ່າຍຕ່າງມີຄວາມສົນໃຈ.