ທ່ານປະທານາທິບໍດີລັດເຊຍ Vladimir Putin ຢືນຢັນວ່າ, ທ່ານພ້ອມແລ້ວທີ່ຈະເຮັດວຽກກັບການນຳທຸກທ່ານໃນໂລກ ເພື່ອແກ້ໄຂທຸກບັນຫາ, ໃນນັ້ນໄດ້ວາງຜົນປະໂຫຍດຂອງລັດເຊຍ ຢູ່ແຖວໜ້າ. ທ່ານປະທານາທິບໍດີ Vladimir Putin ໄດ້ຍົກອອກຄຳຖະແຫຼງດັ່ງກ່າວທີ່ກອງປະຊຸມຂ່າວປະຈຳປີ 2020, ໄດ້ດຳເນີນໃນວັນທີ 17 ທັນວາ.

        ກ່ຽວກັບພົວພັນລະຫວ່າງລັດເຊຍ - ອາເມລິກາ, ທ່ານປະທານາທິບໍດີ Vladimir Putin ສະແດງຄວາມປາດຖະໜາວ່າ ທ່ານປະທານາທິບໍດີອາເມລິກາຫາກໍ່ໄດ້ຮັບໄຊຊະນະ Joe Biden, ເປັນຜູ້ມີປະສົບການນັບທັງດ້ານນະໂຍບາຍພາຍໃນ ແລະ ຕ່າງປະເທດ, ຈະຊ່ວຍແກ້ໄຂຄວາມຫຍຸ້ງຍາກບາງຢ່າງໃນການພົ  ວພັນລະຫວ່າງ 2 ປະເທດ. ທ່ານປະທານາທິບໍດີ Vladimir Putin ກໍ່ຢືນຢັນຄືນໃໝ່ວ່າ ແຮກເກີຂອງລັດເຊຍ ບໍ່ໄດ້ແຊກແຊງເຂົ້າການເລືອກຕັ້ງອາເມລິກາ ເມື່ອປີ 2016 ເພື່ອຊ່ວຍໃຫ້ທ່ານ Donadl Trump ຍາດໄດ້ໄຊຊະນະ.

        ກ່ຽວກັບການພົວພັນລະຫວ່າງລັດເຊຍ-ຈີນ, ທ່ານປະທານາທິບໍດີ Vladimir Putin ຖືວ່າ, ການພົວພັນລະຫວ່າງທ່ານ ແລະ ທ່ານປະທານປະເທດຈີນ ສີຈີ້ນຜິງ ແມ່ນ “ແທດຈິງ ແລະ ມີຄວາມໄວ້ເນື້ອເຊື່ອໃຈ”. ຕາມທ່ານປະທານາທິບໍດີ Vladimir Putin ແລ້ວ, ລັດເຊຍ ແລະ ຈີນ ມີຄວາມສົນໃຈລວມຕໍ່ຫຼາຍບັນຫາ.