ທ່ານນາງ Nikki Haley  (ພາບ: Getty)

ວັນທີ 14 ກຸມພາ, ທ່ານນາງ Nikki Haley, ເຊື້ອຊາດ ອິນເດຍ, ເຄີຍເປັນເອກອັກຄະລັດຖະທູດ ອາເມລິກາ ປະຈຳ ສປຊ, ອະດີດຜູ້ວ່າການລັດ South Carolina ໄດ້ແຈ້ງໃຫ້ຊາບວ່າ ຈະອອກສະໝັກຫາສຽງເລືອກຕັ້ງເປັນປະທານາທິບໍດີ ອາເມລິກາ ປີ 2024.  ດ້ວຍຄຳຖະແຫຼງດັ່ງກ່າວ, ທ່ານນາງ Haley ໄດ້ຮັບການຕີລາຄາວ່າ ເປັນຄູ່ແຂ່ງໃຫຍ່ຄົນທຳອິດຂອງທ່ານອະດີດປະທານາທິບໍດີ Donald Trump ໃນການແຂ່ງຂັນເປັນຜູ້ອອກສະໝັກເລືອກຕັ້ງທາງການຂອງພັກສາທາລະນະ.

        ຖ້າຫາກວ່າປະສົບຜົນສຳເລັດໃນການຫາສຽງເລືອກຕັ້ງຄັ້ງນີ້, ທ່ານນາງ Haley ຈະກາຍເປັນຜູ້ສະໝັກເລືອກຕັ້ງເພດຍິງຄົນທຳອິດ ແລະ ເປັນຜູ້ສະໝັກເລືອກຕັ້ງເຊື້ອຊາດ ອາຊີ ຄົນທຳອິດຂອງພັກສາທາລະນະ ເມື່ອອອກສະໝັກຫາສຽງເລືອກຕັ້ງເປັນປະທານາທິບໍດີ ອາເມລິກາ ໃນປີ 2024.

ຟ້າມຮວັນ - ນັກຂ່າວ VOV ປະຈຳ ອາເມລິກາ