ທ່ານປະທານແນວໂຮມປະເທດຊາດຫວຽດນາມຢ້ຽມຢາມສິງກະໂປ
(ພາບ:Lê Hải/Vietnam+)
(vovworld) - ໂດຍໄດ້ຮັບຄຳເຊີນຂອງສະຫະສະມາຄົມປະຊາຊົນ ສິງກະໂປ, ແຕ່ວັນທີ 27/3 - 30/3, ຄະນະຜູ້ແທນຂັ້ນສູງແນວໂຮມປະເທດຊາດ ຫວຽດນາມ ໂດຍທ່ານ ຫງວຽນທ້ຽນເຍີນ, ກຳມະການກົມການເມືອງ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ເປັນຫົວໜ້າຄະນະໄດ້ໄປຢ້ຽມຢາມ ແລະ ເຮັດວຽກຢູ່ ສິງກະໂປ. ໃນການຢ້ຽມຢາມ ແລະ ເຮັດວຽກຄັ້ງນີ້, ທ່ານປະທານ ຫງວຽນທ້ຽນເຍີນ ມີການພົບປະເຈລະຈາກັບທ່ານ Tharman Shanmugaratnam, ຮອງນາຍົກລັດຖະມົນຕີທັງເປັນລັດຖະມົນຕີກະຊວງການເງິນ ສິງກະໂປ; ເຮັດວຽກກັບທ່ານນາງ Amy Khor, ລັດຖະມົນຕີຮັບຜິດຊອບກະຊວງຊັບພະຍາກອນມະນຸດ ແລະ ທ່ານ Ang Hak Seng, ຜູ້ອຳນວຍການໃຫຍ່ສະຫະສະມາຄົມປະຊາຊົນ ສິງກະໂປ.
ໃນການຢ້ຽມຢາມຄັ້ງນີ້, ທ່ານປະທານແນວໂຮມປະເທດຊາດ ຫວຽດນາມ ຫງວຽນທ້ຽນເຍີນ ແລະ ຄະນະຜູ້ແທນຈະຊອກຮູ້ກ່ຽວກັບນະໂຍບາຍດຶງດູດຜູ້ເກັ່ງກ້າສາມາດໃນຂົງເຂດແຫ່ງລັດຂອງ ສິງກະໂປ, ການຄຸ້ມຄອງແຫຼ່ງຊັບພະຍາກອນມະນຸດ ແລະ ນະໂຍບາຍແຮງງານເຂົ້າເມືອງຂອງ ສິງກະໂປ, ການຄຸ້ມຄອງການເຄື່ອນໄຫວຂອງສະໂມສອນປະຊາຄົມກໍ່ຄືໂຄງການເຄື່ອນໄຫວຢູ່ຂັ້ນພື້ນຖານເພື່ອເພີ່ມທະວີການເຂົ້າຮ່ວມຂອງປະຊາຄົມ. ຄະນະຜູ້ແທນຂັ້ນສູງແນວໂຮມປະເທດຊາດ ຫວຽດນາມ ກໍ່ຍັງພົບປະກັບປະຊາຄົມຊາວ ຫວຽດນາມ ອາໄສຢູ່ ສິງກະໂປ.