ທ່ານຟ້າມບິ່ງມິງຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດຫວຽດນາມໂອ້ລົມທາງໂທລະສັບກັບທ່ານນາງ Marise Payne ລັດຖະມົນຕີກະຊວງການຕ່າງປະເທດອົດສະຕາລີ
(VOVWORLD) -ໃນການໂອ້ລົມທາງໂທລະສັບໃນວັນທີ 16 ເມສາ, ທ່ານຟ້າມບິ່ງມິງຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດຫວຽດນາມແລະທ່ານນາງ Marise Payne ລັດຖະມົນຕີກະຊວງການຕ່າງປະເທດອົດສະຕາລີໄດ້ເຫັນດີເປັນເອກະພາບສືບຕໍ່ເພີ່ມທະວີການແລກປ່ຽນ, ແບ່ງປັນຂໍ້ມູນຂ່າວສານ, ບົດຮຽນແລະປະສົບການກ່ຽວກັບການປ້ອງກັນ, ສະກັດກັ້ນໂລກລະບາດ Covid – 19.
|
 ທ່ານຟ້າມບິ່ງມິງຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດຫວຽດນາມ
(ພາບ: ກະຊວງການຕ່າງປະເທດ ຫວຽດນາມ)
|
ສອງຝ່າຍໄດ້ເຫັນດີເປັນເອກະພາບຈະຈັດຕັ້ງກອງປະຊຸມສາມັນລະຫວ່າງລັດຖະມົນຕີກະຊວງການຕ່າງປະເທດສອງປະເທດໃນໄຕມາດທີ III/2020ຢູ່ອົດສະຕາລີຫຼືຜ່ານຮູບການທາງອອນລາຍເພື່ອແລກປ່ຽນບັນດາມາດຕະການຊຸກຍູ້ການພົວພັນຄູ່ຮ່ວມມືຍຸດທະສາດ, ໃນນັ້ນຕ້ອງເອົາໃຈໃສ່ເຖິງການຮ່ວມມືດ້ານສາທາລະນະສຸກ, ຄ້ຳປະກັນດ້ານສະບຽງອາຫານ, ສົມທົບກັນເພື່ອແນໃສ່ຫຼຸດຜ່ອນຜົນກະທົບທາງດ້ານເສດຖະກິດ - ສັງຄົມທີ່ເກີດຈາກເຊື້ອພະຍາດ Covid – 19ໃຫ້ຢູ່ໃນລະດັບຕ່ຳສຸດ, ຟື້ນຟູບັນດາການເຄື່ອນໄຫວດ້ານການຄ້າ, ການທ່ອງທ່ຽວແລະການຮ່ວມມືໃນບັນດາຂົງເຂດຕ່າງໆໂດຍໄວພາຍຫຼັງສິ້ນສຸດໂລກລະບາດ Covid – 19.