(ທ່ານຮອງນາຍົກລັດຖະມົນຕີຫວຽດນາມ ຫງວຽນຊວງຟຸກ ແລະ
ທ່ານຮອງນາຍົກລັດຖະມົນຕີ ສປປ ລາວ ສົມສະຫວາດ ເລັ່ງສະຫວັດ)
(vovworld) - ຕອນເຊົ້າວັນທີ 21/06, ທ່ານ ຫງວຽນຊວງຟຸກ, ກຳມະການກົມການເມືອງ, ຮອງນາຍົກລັດຖະມົນຕີ, ປະທານຄະນະກຳມາທິການຮ່ວມມືຫວຽດນາມ - ລາວ ໄດ້ມີການເຮັດວຽກກັບທ່ານ ສົມສະຫວາດ ເລັ່ງສະຫວັດ, ກຳມະການກົມການເມືອງ, , ຮອງນາຍົກລັດຖະມົນຕີ ສປປ ລາວ, ປະທານ ຄະນະກຳມາທິກາກຳມະການຮ່ວມມືລາວ - ຫວຽດນາມ. ຮອງນາຍົກລັດຖະມົນຕີທັງ 2 ທ່ານໃຫ້ຄຳຊີ້ນຳກ່ຽວກັບການຜັນຂະຫຍາຍບັນດາຂໍ້ຕົກລົງການນຳຂັ້ນສູງ ແລະ ໃນການປະຕິບັດບົດບັນທຶກຊ່ວຍຈຳກອງປະຊຸມຄັ້ງທີ 35 ຄະນະກຳມາທິການລະຫວ່າງລັດຖະບານຂອງ 2 ປະເທດ, ໂດຍສະເພາະແມ່ນໃນຂົງເຂດຮ່ວມມືດ້ານເສດຖະກິດ, ການຄ້າ, ການລົງທຶນ. ຮອງນາຍົກລັດຖະມົນຕີ 2 ທ່ານ ໄດ້ຕີລາຄາສູງເລື່ອງຫວຽດນາມ ກາຍເປັນໜຶ່ງໃນບັນດາປະເທດນຳໜ້າໃນການລົງທຶນເຂົ້າລາວ ແລະ ຢືນຢັນວ່າ ຈະສືບຕໍ່ເອົາໃຈໃສ່, ສ້າງເງື່ອນໄຂສະດວກໃຫ້ວິສາຫະກິດ 2 ປະເທດເພີ່ມທະວີການຮ່ວມມືດ້ານການຄ້າ, ການລົງທຶນ. ຮອງນາຍົກລັດຖະມົນຕີ 2 ທ່ານ ກໍແລກປ່ຽນກ່ຽວກັບການກະກຽມໃຫ້ແກ່ກອງປະຊຸມຄັ້ງທີ 36 ຄະນະກຳມາທິການລະຫວ່າງລັດຖະບານຫວຽດນາມ - ລາວ ຊຶ່ງຄາດວ່າຈະຈັດຂຶ້ນໃນຕົ້ນປີ 2014.