ທ່ານຮອງປະທານສະພາແຫ່ງຊາດ ຫວຽດນາມ ເຈິ່ນແທັງເໝິນ ກວດກາວຽກງານເລືອກຕັ້ງຢູ່ ແຂວງ ເຮົ້າຢາງ
(VOVWORLD) - ຕອນບ່າຍວັນທີ 23 ເມສາ, ຄະນະຕິດຕາມ, ກວດກາວຽກງານເລືອກຕັ້ງສະມາຊິກສະພາແຫ່ງຊາດຊຸດທີ XV ແລະ ສະມາຊິກສະພາປະຊາຊົນທຸກຂັ້ນ ອາຍຸການ 2021 – 2026 ໂດຍ ທ່ານ ເຈິ່ນແທັງເໝິນ, ຮອງປະທານຜູ້ປະຈຳການສະພາແຫ່ງຊາດ, ຮອງປະທານຜູ້ປະຈຳການສະພາເລືອກຕັ້ງແຫ່ງຊາດ ເປັນຫົວໜ້າຄະນະ ໄດ້ລົງເຮັດວຽກກັບແຂວງ ເຮົ້າຢາງ.
 ການເຮັດວຽກຂອງຄະນະຕິດຕາມ, ກວດກາວຽກງານເລືອກຕັ້ງ ກັບ ແຂວງ ເຮົ້າຢາງ |
ທີ່ການເຮັດວຽກ, ທ່ານ ເຈິ່ນແທັງເໝິນ ເນັ້ນໜັກວ່າ:
“ເນື້ອໃນຈິດໃຈລວມຂອງການເລືອກຕັ້ງຄັ້ງນີ້ ແມ່ນເຮັດແນວໃດຮັບປະກັນລັກສະນະປະຊາທິປະໄຕ, ຖືກຕ້ອງຕາມກົດໝາຍ, ປອດໄພ, ປະຢັດມັດທະຍັດ, ແມ່ນວັນບຸນຂອງປວງຊົນທັງຊາດຢ່າງແທ້ຈິງ. ປະຊາຊົນເຫັນໄດ້ພັນທະ, ຄວາມຮັບຜິດຊອບຂອງຕົນໃນການເລືອກຕັ້ງ, ຕ້ອງເລືອກເອົາຜູ້ມີຄຸນສົມບັດ, ມີຄວາມເກັ່ງກ້າສາມາດ ສົມເປັນຜູ້ແທນຂອງປະຊາຊົນທົ່ວປະເທດ ເຂົ້າໃນສະພາແຫ່ງຊາດ ແລະ ສະພາປະຊາຊົນທຸກຂັ້ນ”.
ຜ່ານກອງປະຊຸມເຈລະຈາຮອບທີ 3, ທ້ອງຖິ່ນໄດ້ເປັນເອກະພາບບັນຊີລາຍຊື່ສະເໜີ 8 ຄົນ ເຂົ້າຮ່ວມການອອກສະໝັກເລືອກຕັ້ງສະມາຊິກສະພາແຫ່ງຊາດຊຸດທີ XV; ຕົກລົງບັນຊີລາຍຊື່ສະເໜີ 81 ຄົນ ເຂົ້າຮ່ວມການອອກສະໝັກເລືອກຕັ້ງເປັນສະມາຊິກສະພາປະຊາຊົນແຂວງ, 408 ຄົນ ອອກສະໝັກເລືອກຕັ້ງເປັນສະມາຊິກສະພາປະຊາຊົນຂັ້ນເມືອງ ແລະ 3.188 ຄົນ ອອກສະໝັກເລືອກຕັ້ງເປັນສະມາຊິກສະພາປະຊາຊົນຂັ້ນຕາແສງ, ອາຍຸການ 2021 – 2026.