(vovworld) - ໂດຍສືບຕໍ່ການໄປປະຕິບັດງານຢູ່ບັນດາແຂວງທາງທິດຕາເວັນຕົກສ່ຽງເໜືອ, ວັນທີ 06/01, ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟຸ໋ຈ້ອງ ໄດ້ລົງຢ້ຽມຢາມ ແລະ ເຮັດວຽກຢູ່ເມືອງ ເມື່ອງເຄືອງ, ແຂວງລາວກາຍ ເພື່ອກວດກາການປະຕິບັດບັນດາມະຕິຂອງພັກ ແລະ ໜ້າທີ່ຂອງປີ 2012. ທີ່ການເຮັດວຽກ, ທ່ານເລຂາທິການໃຫຍ່ ຫງວຽນຟຸ໋ຈ້ອງ ໄດ້ຍ້ອງຍໍສັນລະເສີນບັນດາຄວາມມານະພະຍາຍາມຂອງຕາແສງ ບ້ານເລົ່າ ແລະ ເມືອງ ເມື່ອງເຄືອງ ໃນການນຳໃຊ້ຫົວຄິດປະດິດສ້າງເພື່ອຂຸດຄົ້ນຊັບພະຍາກອນທີ່ດິນ, ມະນຸດຢ່າງເໝາະສົມ, ລົບລ້າງບັນດາຮີດຄອງປະເພນີທີ່ຫຼ້າຫຼັງເທື່ອລະກ້າວ. ທ່ານເລຂາທິການໃຫຍ່ ຫງວຽນຟຸ໋ຈ້ອງ ຊີ້ແຈ້ງວ່າ.
“ປະຈຸບັນຜູ້ຮັ່ງມີຕ້ອງຊ່ວຍເຫຼືອຜູ້ທຸກຍາກ. ສະມາຊິກພັກຜູ້ຮັ່ງມີຕ້ອງຊ່ວຍສະມາຊິກພັກຜູ້ທຸກຍາກ ແລະ ຫຍຸ້ງຍາກກວ່າ. ພວກເຮົາຕ້ອງດຳລົງຊີວິດຢ່າງຍຸດຕິທຳ ແລະ ປະຊາທິປະໄຕ”.