ເລຂາທິການໃຫຍ່ ຫງວຽນຟູ໋ຈ້ອງ ເຂົ້າຮ່ວມພິທີໄຂສົກຮຽນໃໝ່ ຢູ່ສະຖາບັນປ້ອງກັນປະເທດ
(ພາບ: qdnd.vn)
(vovworld) – ຕອນເຊົ້າວັນທີ 9/9, ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ຫງວຽນຟູ໋ຈ້ອງ, ເລຂາຄະນະພັກການທະຫານສູນກາງ, ເຂົ້າຮ່ວມພິທີໄຂສົກຮຽນໃໝ່ 2013 – 2014 ຂອງສະຖາບັນປ້ອງກັນປະເທດ, ຂຶ້ນກັບກະຊວງປ້ອງກັນປະເທດ. ກ່າວຄຳເຫັນທີ່ພິທີໄຂ, ທ່ານເລຂາທິການໃຫຍ່ ຫງວຽນຟູ໋ຈ້ອງ ຮຽກຮ້ອງວ່າ: ໃນການປະຕິບັດໜ້າທີ່, ສະຖາບັນປ້ອງກັນປະເທດຕ້ອງສືບຕໍ່ຊາບຊຶມຢ່າງເລິກຊິ່ງ ແລະ ຈັດຕັ້ງປະຕິບັດມະຕິສູນກາງຄັ້ງທີ 11 ຂອງພັກ, ມະຕິກອງປະຊຸມໃຫຍ່ອົງຄະນະພັກກອງທັບຄັ້ງທີ 9 ກໍ່ຄືຄຳສັ່ງ, ມະຕິຂອງພັກ, ກົມການເມືອງ, ຄະນະເລຂາ, ຄະນະພັກການທະຫານສູນກາງ, ພິເສດແມ່ນມະຕິສູງກາງຄັ້ງທີ 8 (ຊຸດທີ 9) ກ່ຽວກັບຍຸດທະສາດປົກປັກຮັກສາປະເທດຊາດໃນສະພາບການໃໝ່. ສະຖາບັນຕ້ອງປ່ຽນໃໝ່, ຍົກສູງຄຸນນະພາບການສິດສອນ ແລະ ຮຳ່ຮຽນຢ່າງບໍ່ຢຸດຢັ້ງ ເພື່ອບຳລຸງສ້າງຖັນແຖວພະນັກງານຂັ້ນສູງບໍ່ພຽງແຕ່ເກັ່ງດ້ານການທະຫານ ຫາກຍັງແມ່ນບັນດານັກຍຸດທະສາດກ່ຽວກັບດ້ານປ້ອງກັນຊາດ - ການທະຫານ ອີກດ້ວຍ, ມີຄວາມສາມາດບັນຊາເປັນຢ່າງດີ, ແກ້ໄຂບັນດາກໍລະນີຍຸດທະສາດ, ເປັນເສນາທິການໃຫ້ຄະນະພັກ, ອຳນາດການປົກຄອງທ້ອງຖິ່ນ ແລະ ສູນກາງກ່ຽວກັບຍຸດທະສາດປ້ອງກັນຊາດ - ການທະຫານ. ທ່ານເລຂາທິການໃຫຍ່ ຫງວຽນຟູ໋ຈ້ອງ ກໍ່ຮຽກຮ້ອງໃຫ້ຜູ້ເຂົ້າຮ່ວມການຮຽນຕັ້ງໜ້າເຂົ້າຮ່ວມການຕໍ່ສູ້ໃນສະໜາມຮົບແນວຄວາມຄິດທິດສະດີ, ປະກອບສ່ວນຮັກສາພື້ນານດ້ານແນວຄິດ ແລະ ແນວທາງ, ທັດສະນະຂອງພັກ ປັບປຸງສະໜາມຮົບດ້ານແນວຄິດຂອງກອງທັບຢ່າງໝັ້ນຄົງ, ເບິ່ງແຍງດູແລວຽກງານກໍ່ສ້າງພັກ ເປັນຢ່າງດີ.