ທ່ານນາຍົກລັດຖະມົນຕີຫວຽດນາມ
(ພາບ: ອິນເຕີແນັດ)
|
( vovworld ) – ຕອນບ່າຍວັນທີ 15/3, ທີ່ສຳນັກງານລັດຖະບານ, ທ່ານນາຍົກລັດຖະມົນຕີ ຫງວຽນເຕີນຢູ໋ງ ໄດ້ໃຫ້ການຕ້ອນຮັບທ່ານ Suh Kyo Yong ລັດຖະມົນຕີກະຊວງກະສິກຳ, ປ່າໄມ້, ສິນໃນນ້ຳ ສເກົາຫຼີ ຊື່ງພວມຢູ່ຢ້ຽມຢາມ ແລະ ເຮັດວຽກຢູ່ຫວຽດນາມ. ທ່ານນາຍົກລັດຖະມົນຕີ ຫງວຽນເຕີນຢູ໋ງ ປາດຖະໜາວ່າ ສເກົາຫຼີ ຈະສືບຕໍ່ຮ່ວມມື, ໜູນຊ່ວຍຫວຽດນາມ ໃນການພັດທະນາກະສິກຳ, ປ່າໄມ້, ການປະມົງ, ໃນນັ້ນມີການກໍ່ສ້າງສູນວິຊາຊີບ; ໜູນຊ່ວຍບົດຮຽນ, ເຕັກນິກໃຫ້ຫວຽດນາມ ໃນການສ້າງຮູບແບບບ້ານໃໝ່, ຍູ້ແຮງການຮ່ວມມືໃນການຄົ້ນຄ້ວາ ແລະ ຜະລິດຢາວັກຊິນປ້ອງກັນໂລກໄຂ້ຫວັດສັດປີກ…ສ່ວນທ່ານລັດຖະມົນຕີ Suh Kyo Yong ໃຫ້ຮູ້ວ່າ: ສເກົາຫຼີ ຈະສ້າງເງື່ອນໄຂອຳນວຍຄວາມສະດວກໃຫ້ແກ່ບັນດາຜະລິດຕະພັນກະເສດ, ເຄື່ອງປ່າຂອງດົງ, ສິນໃນນ້ຳຂອງຫວຽດນາມ ແຊກຊືມເຂົ້າະຫຼາດສເກົາຫຼີ. ທ່ານລັດຖະມົນຕີ Suh Kyo Yong ສະເໜີໃຫ້ສອງຝ່າຍ ຈົ່ງສືບຕໍ່ຍູ້ແຮງການປະຕິຮູບດ້ານການບໍລິຫານ, ໂດຍສະເພາະແມ່ນການຫັນບັນດາລະບຽບການດ້ານບໍລິຫານທີ່ກ່ຽວຂ້ອງເຖິງການສົ່ງອອກ, ນຳເຂົ້າສິນຄ້າເປັນງ່າຍດາຍ ເພື່ອໃຫ້ສິນຄ້າເວົ້າລວມ ແລະ ບັນດາຜະລິດຕະພັນກະເສດ, ເຄື່ອງປ່າຂອງດົງ, ສິນໃນນ້ຳທີ່ຖືກຖືວ່າ ແມ່ນທ່າແຮງຂອງແຕ່ລະປະເທດ ສາມາດແຊກຊືມເຂົ້າຕະຫຼາດຂອງກັນຢ່າງງ່າຍດາຍ.