ທາບທາມຄຳເຫັນດ້ານການເມືອງ ຫວຽດນາມ-ສີລັງກາ
(ພາບ:tuyengiao.vn)
(vovworld) - ວັນທີ 4/5, ຢູ້ຮ່າໂນ້ຍ, ທ່ານນາງຫວຽນທິເຟືອງງາ, ຮອງລັດຖະມົນ ຕີການຕ່າງປະເທດຫວຽດນາມ ໄດ້ດຳເນີນການທາບທາມຄວາມເຫັນດ້ານການເມືອງຄັ້ງທີສອງກັບທ່ານ Kurunatilaka Amunugama ເລຂາພົວພັນກັບຕ່າງປະເທດ ກະຊວງການຕ່າງປະເທດສີລັງການ. ທີ່ການທາບທາມຄວາມເຫັນດ້ານການເມືອງຄັ້ງນີ້, ສອງຝ່າຍໄດ້ແຈ້ງໃຫ້ກັນຊາບກ່ຽວກັບສະພາບການຂອງແຕ່ລະປະເທດ, ແລກປ່ຽນບັນດາບັນຫາສາກົນ ແລະ ພາກພື້ນຊື່ງຕ່າງຝ່າຍຕ່າງມີຄວາມສົນໃຈ, ຕີລາຄາ ແລະ ປຶກສາຫາລືມາດຕະການຊຸກຍູ້ການພົວພັນດ້ານການເມືອງ, ເສດຖະກິດ, ການຄ້າ, ການລົງທຶນ, ກະສິກຳ, ວັດທະນະທຳ…ລະຫວ່າງສອງປະເທດໃນໄລຍະຈະມາເຖິງ. ສອງຝ່າຍເຫັນດີເປັນເອກະສັນຈະພ້ອມກັນຍູ້ແຮງການປະຕິບັດບັນດາຂໍ້ຕົກລົງຮ່ວມມືໄດ້ລົງນາມຢ່າງມີປະສິດທິຜົນ; ສືບຕໍ່ສ້າງເງື່ອນໄຂອຳນວຍຄວາມສະດວກໃຫ້ບັນດາວິສາຫະກິດສອງປະເທດດຳເນີນການເຄື່ອນໄຫວສົ່ງເສີມການລົງທຶນຕ່າງໆ, ຈັດບັນດາງານຕະຫຼາດນັດການຄ້າຢູ່ແຕ່ລະປະເທດ; ສືບຕໍ່ຮ່ວມມືກັນຢ່າງແໜ້ນແຟ້ນໃນບັນດາເວທີປາໄສສາກົນ ແລະ ພາກພື້ນ.