ນັກຊ່ຽວຊານ ລັດເຊຍ ເນັ້ນໜັກເຖິງບົດບາດຂອງກົດໝາຍສາກົນໃນການແກ້ໄຂການຂັດແຍ້ງກັນຢູ່ທະເລຕາເວັນອອກ
(VOVWORLD) - ນັກຊ່ຽວຊານ Ksenia Kuzmina, ຜູ້ອຳນວຍການໂຄງການ ອາຊີ - ປາຊີຟິກ ຂອງ ສະພາບັນດາບັນຫາພົວພັນກັນຕ່າງປະເທດຂອງ ລັດເຊຍ (RIAC), ໄດ້ເນັ້ນໜັກເຖິງຄວາມສຳຄັນຂອງການແກ້ໄຂການຂັດແຍ້ງການຢູ່ທະເລຕາເວັນອອກ ໂດຍສັນຕິວິທີ ບົນພື້ນຖານກົດໝາຍສາກົນ, ກ່ອນອື່ນໝົດແມ່ນ ສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລປີ 1982 (UNCLOS – 1982).
 ນັກຊ່ຽວຊານ Ksenia Kuzmina (ພາບ: TTXVN) |
ພ້ອມກັນນັ້ນ, ຄວນສົມທົບກັນຢ່າງແໜ້ນແຟ້ນ, ເພີ່ມທະວີການເຈລະຈາ ແລະ ການຮ່ວມມື, ແລກປ່ຽນຂໍ້ມູນຂ່າວສານ ເພື່ອສ້າງ ແລະ ປັບປຸງຄວາມໄວ້ເນື້ອເຊື່ອໃຈຂອງບັນດາຝ່າຍ. ນອກຈາກນັ້ນ, ບັນດາປະເທດຄວນຄວບຄຸມ, ຫຼີກລ້ຽງບັນດາການກະທຳເກາະຜິດ ເຮັດໃຫ້ສະພາບການສັບສົນຂຶ້ນຕື່ມ ແລະ ພາໄປເຖິງການປະທະກັນ ຫຼື ຕ້ອງປະເຊີນໜ້າກັບບັນດາຜົນຮ້າຍຢ້ອນຫຼັງ ເຊິ່ງຍາກທີ່ຈະຄວບຄຸມໄດ້.
ນັກຊ່ຽວຊານ Ksennia Kuzmina, ກໍ ຢັ້ງຢືນວ່າ ລັດເຊຍ ສະໜັບສະໜູນການແກ້ໄຂບັນດາການຂັດແຍ້ງກັນໂດຍສັນຕິວິທີ, ຜ່ານບັນດາຊ່ອງທາງການເມືອງ, ກົດໝາຍ, ການທູດ ແລະ ອີງໃສ່ບັນດາຂໍ້ຕົກລົງສາກົນທີ່ພວມມີໃນປັດຈຸບັນ, ໃນນັ້ນມີ UNCLOS – 1982.