(vovworld) - ໂດຍສືບຕໍ່ການຢ້ຽມຢາມ ແລະ ເຮັດວຽກຢູ່ລາວ, ຕອນເຊົ້າວັນທີ 11/12, ຄະນະຜູ້ແທນຂັ້ນສູງນະຄອນຮ່າໂນ້ຍ ໄດ້ມີການເຈລະຈາກັບຄະນະຜູ້ແທນຂັ້ນສູງແຂວງຫຼວງພະບາງ. ການຢ້ຽມຢາມຄັ້ງນີ້ຂອງຄະນະຜູ້ແທນຮ່າໂນ້ຍ ເພື່ອແນໃສ່ປະກອບສ່ວນຊຸກຍູ້ສາຍພົວພັນສາມັກຄີ, ມິດຕະພາບແບບພິເສດລະຫວ່າງຫວຽດນາມ - ລາວ ເວົ້າລວມ, ນະຄອນຮ່າໂນ້ຍ ແລະ ແຂວງຫຼວງພະບາງເວົ້າສະເພາະ ໃຫ້ນັບມື້ນັບພັດທະນາຢ່າງດີງາມ ແລະ ໝັ້ນຄົງກວ່າ. ທີ່ການເຈລະຈາ, ສອງຝ່າຍໄດ້ແຈ້ງໃຫ້ກັນຊາບກ່ຽວກັບການພັດທະນາເສດຖະກິດສົງຄົມ, ຕີລາຄາໝາກຜົນຂອງການຮ່ວມມືອັນດີງາມໃນໄລຍະຜ່ານມາ, ດ້ວຍບັນດາການແລກປ່ຽນຄະນະຜູ້ແທນເຊິ່ງກັນ ແລະ ກັນ, ຮ່ວມມືສຶກສາບຳລຸງສ້າງ ກໍຄືການພັດທະນາກະສິກຳບັນລຸໄດ້ຜົນງານດີ… ນະຄອນຮ່າໂນ້ຍ ໄດ້ສົ່ງບາງຄະນະພະນັກງານຂະແໜງການຕ່າງໆໄປຍັງແຂວງຫຼວງພະບາງ ເພື່ອສຳຫຼວດ, ຄົ້ນຄວ້າ, ແລກປ່ຽນບົດຮຽນ ແນໃສ່ຮ່ວມມືໃນໄລຍະຍາວ.