ນະຄອນໂຮ່ຈິມິນແລະສະຫະພັນເຢຍລະມັນແບ່ງປັນບົດຮຽນການຮ່ວມມືກ່ຽວກັບບັນດາຂົງເຂດສັງຄົມ
ນະຄອນໂຮ່ຈິມິນແລະສະຫະພັນເຢຍລະມັນແບ່ງປັນບົດຮຽນການຮ່ວມມື
ກ່ຽວກັບບັນດາຂົງເຂດສັງຄົມ
(ພາບ: Nguyễn Dân/TTXVN)
|
(vovworld) - ຕອນບ່າຍວັນທີ 26/1, ທ່ານປະທານຄະນະກຳມະການປະຊາຊົນນະຄອນໂຮ່ຈິມິນ ເລຮ່ວາງກວນ ໄດ້ໃຫ້ການຕ້ອນຮັບທ່ານ Rolf Rosenbrock, ປະທານສະຫະພັນໃຫຍ່ສະເໝີພາບສັງຄົມແຫ່ງສະຫະ ພັນເຢຍລະມັນ ພວມຢ້ຽມຢາມ ແລະ ເຮັດວຽກຢູ່ນະຄອນໂຮ່ຈິມິນ. ນະທີ່ນີ້, ທ່ານປະທານຄະນະກຳມະການປະຊາຊົນນະຄອນໂຮ່ຈິມິນ ເລຮ່ວາງກວນ ເນັ້ນໜັກວ່າ: ຜ່ານ 40 ປີແຫ່ງການສ້າງຕັ້ງສາຍພົວພັນທາງການທູດ, ມາຮອດປະຈຸບັນການພົວພັນຮ່ວມມື, ມິດຕະພາບລະຫວ່າງ ຫວຽດນາມ-ສະຫະພັນເຢຍລະມັນ ນັບມື້ນັບພັດທະນາດ້ວຍບັນດາຂີດໝາຍອັນດີງາມ. ໃນການພົວພັນຮ່ວມມືນັ້ນ, ນະຄອນໂຮ່ຈິມິນ ກໍ່ປະກອບສ່ວນຫຼາຍຢ່າງໃນບັນດາຂົງເຂດເສດຖະກິດ, ວັດທະນະທຳ, ສັງຄົມ, ການສຶກສາ… ທ່ານເລຮ່ວາງກວນ ຢືນຢັນວ່າ: ນະຄອນໂຮ່ຈິມິນ ຈະສ້າງເງື່ອນໄຂ ແລະ ສະໜັບ ສະໜູນການຮ່ວມມືຂອງສະຫະພັນໃຫຍ່ສະເໝີພາບສັງຄົມແຫ່ງສະຫະພັນເຢຍລະມັນ ກັບອົງການແນວໂຮມ, ອົງການຈັດຕັ້ງມະຫາຊົນ, ອົງການສຳນັກງານຕ່າງໆຢູ່ນະຄອນໂຮ່ຈິມິນ ສຳລັບບັນດາບັນຫາເຊິ່ງຕ່າງຝ່າຍຕ່າງມີຄວາມສົນໃຈ ໃນການປະຕິບັດຄວາມຍຸຕິທຳດ້ານສັງຄົມ ແລະ ເບິ່ງແຍງປິ່ນປົວຄົນເຈັບ.
ທ່ານ Rolf Rosenbrock ຊີ້ແຈ້ງວ່າ: ໃນໄລຍະຈະມາເຖິງ, ຫວຽດນາມ ແລະ ເຢຍລະມັນ ຈະສືບຕໍ່ການຮ່ວມມື, ການແລກປ່ຽນ ແລະ ຮຳ່ຮຽນເຊິ່ງກັນ ແລະ ກັນໃນບັນດາຂົງເຂດສັງຄົມ, ພິເສດໃນ ເບິ່ງແຍງປິ່ນປົວຄົນເຈັບ.