ພວກ​ຊາວ​ໜຸ່ມ​ເຂົ້າ​ຮ່ວມ​ພິທີ​ອອກ​ເຄື່ອນ​ພົນ(ພາບ: baothanhnien)

Vovworld- ຕອນ​ເຊົ້າວັນທີ 27/1, ຢູ່ນະຄອນໂຮ່ຈິມິນ, ບັ້ນເຄື່ອນໄຫວອາສາ​ສະໝັກລະດູບານໃໝ່ ​ປີ 2013 ​ໂດຍ​ຄະນະ​ຊາວ​ໜຸ່ມ​ນະຄອນ​​ໂຮ່ຈິ​ມິນ, ສະມາຄົມ​ນັກ​ສຶກສາ​ນະຄອນ​ຈັດ​ຕັ້ງ ​ໄດ້​ເລີ່​ມ​ດຳ​ເນີນຢ່າງ​ເປັນທາງ​ການ​ດ້ວຍ​ພິທີ​ອອກ​ເຄື່ອນ​ພົນ​ຢູ່​ໂຮງ​ວັດທະນະທຳ​ຊາວ​ໜຸ່ມ ຊຶ່ງ​ມີ​ການ​ເຂົ້າ​ຮ່ວມ​ຂອງ​ນັກ​ສຶກສາ, ຊາວ​ໜຸ່ມ ​ແລະ ຊາວ​ນະຄອນ​ລວມທັງ​ໝົດ​ກ່ວາ 2000 ຄົນ. ບັ້ນເຄື່ອນໄຫວ ອາສາ​ສະໝັກລະດູບານໃໝ່ ​ປີ 2013 ຖືກ​ດຳ​ເນີນ​ແຕ່​ວັນ​ທີ 27/1 ຫາ 9/2 ຊຶ່ງ​ໄດ້​ດຶງ​ດູດ​ການ​ເຂົ້າ​ຮ່ວມ​ຂອງ​ຊາວ​ໜຸ່ມ​ສັງກັດ​ມະຫາວິທະຍາ​ໄລ, ວິທະຍາ​ໄລ, ມັດທະຍົມ​ຕອນ​ປາຍ 34 ​ແຫ່ງ ​ແລະ ມະ​ມາ​ຊິກ​ສະມາຄົມ​ນັກ​ສຶກສາ​ນະຄອນລວມທັງ​ໝົດ​ກ່ວາ 8000 ຄົນ. ປີ​ນີ້, ການ​ປຸກລະດົມ​ບັນດາ​ແຫຼ່ງກຳລັງ​ເພື່ອ​​ເບິ່ງ​ແຍງ​ດູ​ແລ ກໍ​ປະສົບ​ກັບ​ຄວາມ​ຫຍຸ້ງຍາກ​ກ່ວາ, ​ແຕ່​ດ້ວຍ​ບັນດາ​ການ​ເຄື່​ອນ​ໄຫວ​ທີ່​ມີ​ຄວາມ​ໝາຍ​​ແທດ​ຈິງ, ​ໄວ​ໜຸ່ມ​ນະຄອນ​​ໄດ້ມອບ​ຂອງຂວັນ ກ່ວາ 5000 ພູດ, ​ເຂົ້າຕົ້ມ 1000 ຫໍ່, ພ້ອມ​ກັບ​ເຄື່ອງ​ໃຊ້​ໄມ້​ສອຍ​ທີ່​ຈຳ​ເປັນ​ໃຫ້​ແກ່​ບັນດາ​ຜູ້​ທຸກ​ຍາກ, ​ເດັກນ້​ອຍທີ່​ມີ​ສະພາບ​ຄອບຄົວ​ຫຍຸ້ງຍາກ​ເປັນ​ພິ​ເສດ​ໃນ​ໂອກາດ​ບຸນ​ເຕັດ .