ທ່ານ ເລແທງລຽມ ຕ້ອນຮັບ ທ່ານ ນາງ Iris Gleicke (ພາບ: vietnam+)

  ນີ້ແມ່ນຄຳເຫັນຂອງ ທ່ານ ເລແທງລຽມ, ຮອງປະທານຄະນະກຳມະການປະຊາຊົນ ນະຄອນໂຮ່ຈີ້ມີນ ທີ່ການຕ້ອນຮັບ ທ່ານ ນາງ Iris Gleicke, ລັດຖະມົນຕີກະຊວງເສດຖະກິດ ແລະ ພະລັງງານ ເຢຍລະມັນ, ໃນຕອນບ່າຍ ວັນທີ 11/05. ທ່ານ ເລແທງລຽມ ຮອງປະທານຄະນະກຳມະການປະຊາຊົນ ນະຄອນໂຮ່ຈີມີນ ປາຖະໜາວ່າ ໃນໄລຍະຕໍ່ໜ້າ, ບັນດາວິສາຫະກິດເຢຍລະມັນຈະຍູ້ແຮງບັນດາການເຄື່ອນໄຫວສົ່ງເສີມການຄ້າ ແລະ ການລົງທຶນ ແນໃສ່ສ້າງການຫັນປ່ຽນຢ່າງແຮງ ໃນການຮ່ວມມືເສດຖະກິດ ແລະ ເພີ່ມມູນຄ່າແລກປ່ຽນ ການຄ້າ ສອງຝ່າຍ. ນະຄອນໂຮ່ຈີມີນ ໃຫ້ຄຳໝັ້ນສັນຍາຈະສ້າງເງື່ອນໄຂຄວາມສະດວກ, ສະພາບແວດລ້ອມແຫ່ງການລົງທຶນທີ່ດູດດຶມ ເພື່ອໃຫ້ບັນດານັກລົງທຶນຕ່າງປະເທດ, ໃນນັ້ນມີບັນດາວິສາຫະກິດເຢຍລະມັນ ເຂົ້າມາລົງທຶນໄລຍະຍາວ, ມີປະສິດທິຜົນຢູ່ນະຄອນໂຮ່ຈີມີນ.

ສ່ວນ, ທ່ານ ນາງ Iris Gleicke ກໍ່ໃຫ້ຮູ້ໃນໄລຍະຕໍ່ໜ້າ, ສາທາລະນະລັດສະຫະ ພັນເຢຍລະມັນ ປາຖະໜາສ້າງຕັ້ງບັນດາອົງການຜູ້ຕາງໜ້າ ວິສາຫະກິດເຢຍລະມັນ ປະຈຳຫວຽດນາມໂດຍໄວ, ພິເສດແມ່ນຢູ່ນະຄອນໂຮ່ຈີມີນ ເພື່ອສາມາດຮ່ວມມືກັນຢ່າງແໜ້ນແຟ້ນ, ເປັນປະຈຳ ແລະ ມີຜົນປະໂຫຍດທີ່ເໝາະສົມໃຫ້ທັງສອງຝ່າຍ.