ທ່ານນາຍົກ ລັດຖະມົນຕີ Nguyen Tan Dung
ຕ້ອນຮັບຮອງນາຍົກລັດຖະມົນຕີກຳປູເຈຍ
( ພາບ: vietnamplus.vn )
(vovworld) – ຕອນບາຍວັນທີ 23/7, ຢູ່ຮ່າໂນ້ຍ, ທ່ານນາຍົກ ລັດຖະມົນຕີ Nguyen Tan Dung ໄດ້ໃຫ້ການຕ້ອນຮັບຮອງນາຍົກລັດຖະມົນຕີຜູ້ປະຈຳການລາຊະອານາຈັກກຳປູເຈຍທ່ານນາງ Men Sam An. ທ່ານນາຍົກລັດຖະມົນຕີ Nguyen Tan Dung ເນັ້ນໜັກວ່າ, ຫວຽດນາມ ຖືເປັນສຳຄັນພິເສດ ແລະ ພ້ອມກັບຝ່າຍກຳປູເຈຍ, ມານະພະຍາຍາມສູ້ຊົນ, ນຳການພົວພັນສອງປະເທດໃນທຸກຂົງເຂດການເມືອງ, ການຕ່າງປະເທດ, ເສດຖະກິດ, ການປ້ອງກັນຊາດ, ປ້ອງກັນຄວາມສະຫງົບ, ວັດທະນະທຳໃຫ້ພັດທະນາຢ່າງຈົບງາມ, ນຳມາເຊິ່ງປະສິດທິຜົນອັນແທດຈິງໃຫ້ທັງສອງຝ່າຍ. ສ່ວນທ່ານນາງ ຮອງນາຍົກລັດຖະມົນຕີ Men Sam An ກໍ່ໃຫ້ຮູ້ຈຸດປະສົງຂອງການຢ້ຽມຢາມຫວຽດນາມຄັ້ງນີ້ ແມ່ນເພື່ອແນໃສ່ເພີ່ມທະວີການແລກປ່ຽນບົດຮຽນ ແລະ ຍູ້ແຮງການຮ່ວມມືລະຫວ່າງສອງປະເທດໃນຂົງເຂດກວດກາ. ທ່ານນາງສະເໜີ ສອງຝ່າຍເພີ່ມທະວີວຽກງານໂຄສະນາ ກ່ຽວກັບນ້ຳໃຈມິດຕະພາບ, ການພົວພັນຮ່ວມມືອັນດີງາມລະຫວ່າງສອງປະເທດ ກໍ່ຄືຕໍ່ສູ້ສະກັດກັ້ນຫາງສຽງທີ່ເສກສັນປັ້ນແຕ່ງ, ແບ່ງແຍກນ້ຳໃຈສາມັກຄີ ແລະ ຫວ່າງສອງປະເທດ.
ຫົວໜ້າອົງການກວດກາລັດຖະບານ Huynh Phong Tranh ເຈລະຈາກັບ
ຮອງນາຍົກລັດຖະມົນຕີຜູ້ປະຈຳການ, ລັດຖະມົນຕີ Men Sam An
(ພາບ: thanhtra.gov.vn) ແລະກໍ່ໃນວັນດຽວກັນ, ຄະນະຜູ້ແທນອົງການກວດກາລັດຖະບານຫວຽດນາມ, ໂດຍຫົວໜ້າອົງການກວດກາລັດຖະບານ Huynh Phong Tranh ເປັນຫົວໜ້າຄະນະ ໄດ້ມີການເຈລະຈາກັບຄະນະຜູ້ແທນຂັ້ນສູງກະຊວງພົວພັນກັບສະພາແຫ່ງຊາດ - ສະພາສູງ ແລະ ອົງການກວດກາກຳປູເຈຍ, ໂດຍທ່ານນາງ Men Sam An, ຮອງນາຍົກລັດຖະມົນຕີຜູ້ປະຈຳການ, ລັດຖະມົນຕີນຳໜ້າ. ທ່ານຫົວໜ້າອົງ ການກວດກາລັດຖະບານຫວຽດນາມ Huynh Phong Tranhໄດ້ຢັ້ງຢືນວ່າ, ພາຍຫຼັງລົງນາມໃນສັນຍາຮ່ວມມືເມື່ອເດືອນ 3/2012, ການຢ້ຽມຢາມຫວຽດນາມຄັ້ງນີ້ຂອງຄະນະຜູ້ແທນຂັ້ນສູງກະຊວງພົວພັນກັບສະພາແຫ່ງຊາດ - ສະພາສູງ ແລະ ອົງການກວດກາກຳປູເຈຍໄດ້ສະແດງໃຫ້ເຫັນການພົວພັນມິດຕະພາບ, ການຮ່ວມມືອັນດີງາມລະຫວ່າງສອງຂະແໜງກວດກາສອງປະເທດຢ່າງມີຊີວິດຊີວາ, ທ່ານນາງ Men Sam An ຍັງສະແດງຄວາມເຊື່ອໝັ້ນວ່າ, ການຢ້ຽມຢາມຫວຽດນາມຄັ້ງນີ້ຈະແມ່ນໂອກາດທີ່ດີ ເພື່ອໃຫ້ສອງຝ່າຍແລກປ່ຽນບົດຮຽນໃນວຽກງານກວດກາ, ແກ້ໄຂການຟ້ອງຮ້ອງ, ກ່າວຟ້ອງ, ແລະ ຕ້ານສໍ້ລາດບັງຫຼວງ, ປະກອບສ່ວນປັບປຸງການພົວພັນມິດຕະພາບ, ການຮ່ວມມືລະຫວ່າງສອງອົງການກວດກາແຫ່ງລັດຍິ່ງຂຶ້ນ.