ນາຍົກລັດຖະມົນຕີຮຽກຮ້ອງຕ້ອງສະໜອງທີ່ດິນ,ໜູນຊ່ວຍການສ້າງເຮືອນຢູ່ໃຫ້ປະຊາຊົນຖືກຜົນສະທ້ອນຈາກໄພນ້ຳຖ້ວມ
ນາຍົກລັດຖະມົນຕີຢື້ຢາມຖາມຂ່າວປະຊາຊົນເຂດຖືກນ້ຳຖ້ວມ
|
(vovworld) – ຕອນເຊົ້າວັນທີ 21/12, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ລົງກວດກາສະພາບຄວາມເສຍຫາຍພາຍຫຼັງໄພຝົນຕົກໜັກ, ນ້ຳຖ້ວມ ແລະ ວຽກງານແກ້ໄຂຜົນຮ້າຍຢ້ອນຫຼັງຢູ່ບ້ານ ອານຊວຽນ 3, ຕາແສງ ໝີແຈ໋ງ, ເມືອງ ຟູ໋ໝີ, ແຂວງ ບີ່ງດິ້ງ. ທ່ານນາຍົກລັດຖະມົນຕີ ໄດ້ຊີ້ນຳອຳນາດການປົກຄອງແຂວງ ບີ່ງດິ້ງ ແລະ ທ້ອງຖິ່ນໄດ້ສະໜອງທີ່ດິນ, ໜູນຊ່ວຍໃຫ້ປະຊາຊົນປູກສ້າງເຮືອນຊານທີ່ຖືກທຳລາຍພາຍຫຼັງໄພນ້ຳຖ້ວມໂດຍໄວ. ແບ່ງເບົາຄວາມເສຍຫາຍຂອງປະຊາຊົນຢູ່ທີ່ນີ້, ທ່ານນາຍົກລັດຖະມົນຕີໄດ້ລະດົມພໍ່ແມ່ປະຊາຊົນສາມັກຄີ, ໜູນຊ່ວຍ, ອຸ້ມສູ່ຊ່ວຍເຫຼືອເຊິ່ງກັນ ແລະ ກັນເພື່ອຜ່ານຜ່າຄວາມຫຍຸ້ງຍາກ. ທ່ານນາຍົກລັດຖະມົນຕີ ໄດ້ຊີ້ນຳອຳນາດການປົກຄອງແຂວງ ບີ່ງດິ່ງໜູນຊ່ວຍປະຊາຊົນຢ່າງວ່ອງໄວ, ບໍ່ປະໃຫ້ຄອບຄົວໃດຖືກອຶດຫິວ. ສຳລັບບັນດາຄອບຄົວມີເຮືອນຖືກທຳລາຍ, ອຳນາດການປົກຄອງທ້ອງຖິ່ນຕ້ອງສະໜອງທີ່ດິນ, ໜູນຊ່ວຍເງິນຄຳ ແລະ ຮຽກຮ້ອງການໜູນຊ່ວຍຂອງສັງຄົມເພື່ອຊ່ວຍໃຫ້ປະຊາຊົນກໍ່ສ້າງເຮືອນຊານ, ສ້າງຊີວິດເປັນປົກກະຕິໂດຍໄວ. ທ່ານນາຍົກລັດຖະມົນຕີ ກໍ່ມອບຂອງຂວັນໃຫ້ 11 ຄອບຄົວຢູ່ຕາແສງ ໝີແຈ໋ງ ທີ່ມີເຮືອນຖືກໄພນ້ຳຖ້ວມທຳລາຍ.