ນາຍົກລັດຖະມົນຕີໄທ: ການເລືອກຕັ້ງແມ່ນມາດຕະການໜຶ່ງດຽວໃຫ້ແກ່ວິກິດການ
(ພາບປະກອບ)
(vovworld) - ວັນທີ 17/01, ທ່ານນາງນາຍົກລັດຖະມົນຕີຊົ່ວຄາວ ຍິ່ງຣັກ ສິນນະວັດ ໃຫ້ຮູ້ວ່າ ວິວັດດີທີ່ສຸດໃຫ້ບັນດາຜູ້ແຫ່ຂະບວນປະທ້ວງໂຄນລົ້ມລັດຖະບານຂອງທ່ານນາງແມ່ນບໍ່ປ່ອນບັດໃຫ້ລັດຖະບານໃນການເລືອກຕັ້ງໃນວັນທີ 02/02 ຈະມາເຖິງ.
ກ່າວຄຳເຫັນທີ່ການປະຊຸມຂ່າວກັບບັນດານັກຂ່າວຕ່າງປະເທດ, ທ່ານນາງນາຍົກລັດຖະມົນຕີໄທ ໃຫ້ຮູ້ວ່າ ວິທີງ່າຍທີ່ສຸດເພື່ອປົດຕຳແໜ່ງທ່ານນາງ ແມ່ນຜ່ານບັດເລືອກຕັ້ງ ຍ້ອນບັນດາມາດຕະການລະເມີດລັດຖະທຳມະນູນລ້ວນແຕ່ບໍ່ສາມາດແກ້ໄຂໄດ້. ໃນຂະນະນັ້ນ, ຂະບວນການແຫ່ຂະບວນຍັງສືບຕໍ່ຮຽກຮ້ອງໃຫ້ທ່ານນາງ ລາອອກຈາກຕຳແໜ່ງ ເພື່ອເປີດຊ່ອງທາງໃຫ້ແກ່ການສ້າງສະພາປະຊາຊົນ ແນໃສ່ປະຕິຮູບປະເທດຊາດ. ຕາມບັນດານັກໄຈ້ແຍກແລ້ວ, ວິກິດການດ້ານການເມືອງຢູ່ໄທ ຍັງບໍ່ທັນຊອກໄດ້ວິກິດການແກ້ໄຂ ເມື່ອທັງ 2 ຝ່າຍລ້ວນແຕ່ຢາກປົກປ້ອງທັດສະນະຂອງຕົນ. ພັກປະຊາທິປັດໄດ້ຮຽກຮ້ອງໃຫ້ທ່ານນາງນາຍົກລັດຖະມົນຕີ ຍິງຣັກ ລາອອກຈາຕຳແໜ່ງ ເພື່ອຮັບຜິດຊອບຍ້ອນໄດ້ກ່ຽວຂ້ອງເຖິງໂຄງການອຸດໜູນລາຄາເຂົ້າ, ໃນຂະນະນັ້ນທ່ານນາງຍິ່ງຣັກ ພັດຢືນຢັນວ່າ ການເລືອກຕັ້ງໃນວັນທີ 02/02 ຈະມາເຖິງ ແມ່ນມາດຕະການໜຶ່ງດ່ຽວໃຫ້ແກ່ວິກິດການໃນປະຈຸບັນຢູ່ໄທ.