(vovworld) - ເນື່ອງໃນໂອກາດໄປຢ້ຽມຢາມກຳປູເຈຍ ເຂົ້າຮ່ວມພິທີໄຫວ່ອາໄລອະດີດພະມະຫາກະສັດແຫ່ງລາຊະອານາຈັກກຳປູເຈຍ Norodom Sihanouk. ຕອນເຊົ້າວັນທີ 04/02, ທ່ານນາຍົກລັດຖະມົນຕີຫວຽດນາມ ຫງວຽນເຕີນຢຸງ ໄດ້ໄປຢ້ຽມຢາມໂຮງງານຟຸ່ນເຄມີສາກົນ 5 ດາວກຳປູເຈຍ. ນີ້ແມ່ນໜຶ່ງໃນບັນດາໂຄງການລົງທຶນໃຫຍ່ຂອງບັນດານັກລົງທຶນຫວຽດນາມ ຢູ່ກຳປູເຈຍ ດ້ວຍຍອດເງິນລົງທຶນໃນເບື້ອງຕົ້ນແມ່ນ 67 ລ້ານ USD ທີ່ຫາກໍນຳເຂົ້າໃຊ້ການເມື່ອທ້າຍເດືອນ 12/2012. ກ່າວຄຳເຫັນເມື່ອມາຢ້ຽມຢາມໂຮງງານ, ທ່ານນາຍົກລັດຖະມົນຕີ ຫງວຽນເຕີນຢຸງ ຢືນຢັນວ່າ.
“ວິສາຫະກິດຫວຽດນາມ ທີ່ລົງທຶນຢູ່ກຳປູເຈຍ ສ່ວນຫຼາຍແມ່ນມີປະສິດທິຜົນ. ໃນນັ້ນພົ້ນເດັ່ນແມ່ນ Viettel, ການບິນຫວຽດນາມ ທີ່ຮ່ວມທຸລະກິດກັບກຳປູເຈຍ, ທະນາຄານລົງທຶນຂະຫຍາຍສາຂາ ການເຄື່ອນໄຫວຢູ່ກຳປູເຈຍ ກໍດີທີ່ສຸດ.”
ແລະກໍໃນຕອນເຊົ້າວັນທີ 04/02, ທ່ານນາຍົກລັດຖະມົນຕີຫວຽດນາມ ຫງວຽນເຕີນຢຸງ ໄດ້ມີການພົບປະເຈລະຈາກັບທ່ານນາຍົກລັດຖະມົນຕີກຳປູເຈຍ Hun Sen. ທ່ານນາຍົກລັດຖະມົນຕີ ຫງວຽນເຕີນຢຸງ ຢືນຢັນຄວາມຕັດສິນໃຈເພີ່ມພູນຄຸນສ້າງການພົວພັນລະຫວ່າງ 2 ປະເທດກວ່າອີກ. ນາຍົກລັດຖະມົນຕີທັງ 2 ທ່ານ ໄດ້ແລກປ່ຽນບາງເນື້ອໃນຮ່ວມມື ແລະ ມາດຕະການຕ່າງໆເພື່ອສືບຕໍເຮັດໃຫ້ສາຍພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືຮອບດ້ານລະຫວ່າງ 2 ປະເທດໃນໄລຍະຈະມາເຖິງເລີດເຊິ່ງຂຶ້ນຕື່ມ.