ພິທີເປີດຕະຫຼາດການຄ້າ ເອເລັກໂຕນິກ ໂສມງອກລິງ

ຕອນບ່າຍວັນທີ 1 ເມສາ, ເມືອງ ນາມຈ່າມີ, ແຂວງ ກ໋ວາງນາມ ໄດ້ຈັດພິທີໄຂຕະຫຼາດການຄ້າ ເອເລັກໂຕນິກ ໂສມງອກລິງ ແລະ ບັນດາຜະລິດຕະພັນກະເສດຂອງທ້ອງຖິ່ນ. ການເປີດຕົວ ຕະຫຼາດການຄ້າ ເອເລັກໂຕນິກ ແມ່ນເພື່ອແນໃສ່ຍູ້ແຮງການເຄື່ອນໄຫວຊື້ຂາຍໂສມງອກລິງ, ຄຸ້ມຄອງຄຸນນະພາບຜະລິດຕະພັນຢ່າງເຂັ້ມງວດ, ຈຳກັດການຊື້ຂາຍບັນດາຜະລິດຕະພັນ ໂສມງອກລິງ ປອມ ໃນຕະຫຼາດ. ເພື່ອເຂົ້າຮ່ວມຕະຫຼາດການຄ້າ ເອເລັກໂຕນິກ, ບັນດາວິສາຫະກິດ, ຄອບຄົວດຳເນີນທຸລະກິດ ໂສ້ມງອກລິງ ແລະ ຢາສະໝູນໄພ ໄດ້ໃຫ້ຄຳໝັ້ນສັນຍາກັບ ອຳນາດການປົກຄອງ ກ່ຽວກັບຄວາມຊັດເຈນຂອງ ຂໍ້ມູນ, ແຫຼ່ງຕົ້ນກຳເນີດ, ຄຸນນະພາບຂອງຜະລິດຕະພັນທີ່ສະໜອງໃຫ້ແກ່ລູກຄ້າ. ທ່ານ ເຈິ່ນວັນເໝິນ, ຮອງປະທານ ຄະນະກຳມະການປະຊາຊົນເມືອງ ນາມຈ່າມີ, ແຂວງ ກ໋ວາງນາມ ໃຫ້ຮູ້ວ່າ:

ຜ່ານຕະຫຼາດການຄ້າ ເອເລັກໂຕນິກ, ເປົ້າໝາຍສຳຄັນທີ່ສຸດແມ່ນຍູ້ແຮງວຽກງານຄຸ້ມຄອງການຊື້ຂາຍໂສມງອກລິງ ແລະ ຢາສະໝູນໄພ, ຮັບປະກັນການຮັກສາການຄ້າຂອງ ໂສມງອກລິງ, ຢາສະໝູນໄພຊະນິດຕ່າງໆ ແລະ ຜະລິດຕະພັນກະເສດພິເສດຂອງ ນາມຈ່າມີ ແລະ ເຂດພູສູງແຂວງ ກ໋ວາງນາມ. ບົນພື້ນຖານນັ້ນ, ພວກຂ້າພະເຈົ້າຈະຊອກຫາຕົ້ນກຳເນີດຂອງທຸກຜະລິດຕະພັນ. ນີ້ແມ່ນທີ່ຢູ່ ທີ່ມີຄວາມໄວ້ເນື້ອເຊື່ອໃຈທີ່ສຸດໃຫ້ແກ່ລູກຄ້າ.