ບັນດາຝ່າຍພ້ອມແລ້ວກະກຽມໃຫ້ຮອບເຈລະຈາສັນຕິພາບຄັ້ງຕໍ່ໄປກ່ຽວກັບຊີຣີຢູ່ກາຊັກສະຖານ
(VOVWORLD) -ວັນທີ 15 ພຶດສະພາ, ກະຊວງການຕ່າງປະເທດ ກາຊັກສະຖານ ໄດ້ຊີ້ແຈ້ງວ່າ, ຮອບເຈລະຈາຄັ້ງຈະມາເຖິງກ່ຽວກັບຊີຣີ ຈະດຳເນີນຢູ່ນະຄອນຫຼວງ Astana ຂອງປະເທດກາຊັກສະຖານ ໃນລະຫວ່າງວັນທີ 14 – 15 ພຶດສະພາ ຈະມາເຖິງ.
|
 ຮອບເຈລະຈາສັນຕິພາບເມື່ອປີ 2017
(ພາບປະກອບ: AFP/TTXVN)
|
ທຸກໆຝ່າຍທີ່ກ່ຽວຂ້ອງ ລວມທັງ 3 ປະເທດອຸປະຖຳແມ່ນລັດເຊຍ, ອີຣານ ແລະ ຕວກກີ, ລັດຖະບານ ແລະ ຝ່າຍຄ້ານປະກອບອາວຸດຢູ່ຊີຣີ ລ້ວນແຕ່ຢັ້ງຢືນຈະເຂົ້າຮ່ວມ.
ແຈ້ງການກໍ່ໃຫ້ຮູ້ວ່າ, ຄະນະຜູ້ແທນຂອງສະຫະປະຊາຊາດ ໂດຍທູດພິເສດຂອງສະຫະປະຊາຊາດກ່ຽວກັບຊີຣີ ທ່ານ Staffan de Mistura ນຳໜ້າ ແລະ ຄະນະຜູ້ແທນຈໍແດນ ກໍ່ຈະມີໜ້າຢູ່ Astana ດ້ວຍຖານະເປັນນັກສັງເກດການ.
ຄາດວ່າ, ວັນທີ 14 ພຶດສະພາ, ບັນດາຝ່າຍຈະດຳເນີນການເຈລະຈາ 2 ຝ່າຍ, ຫຼາຍຝ່າຍຢູ່ຂັ້ນນັກຊ່ຽວຊານ ແລະ ວັນທີ 15 ພຶດສະພາຈະດຳເນີນວາລະປະຊຸມຄົບຄະນະ.