(vovworld) - ວັນທີ 12/9, ທ່ານປະທານພັກປະຊາທິປັດຝ່າຍຄ້ານ, ອະດິດນາຍົກລັດຖະມົນຕີ ອາພິຊິດ ເວດຊາຊິວະ ໄດ້ຖະແຫຼງວ່າ ຈະຮ່ວມແຮງຮ່ວມໃຈພ້ອມກັບລັດຖະບານໄທ ໃນເລື່ອງຊອກຫາມາດຕະການແກ້ໄຂສະພາບການທີ່ສັບສົນຢູ່ພາກໃຕ້ຂອງໄທ. ເລື່ອງຕົກລົງເຂົ້າຮ່ວມໃນຄວາມມານະພະຍາຍາມລວມນີ້ເລີ່ມຕົ້ນຈາກການຮຽກຮ້ອງຢ່າງລຽນຕິດຂອງລັດຖະບານ ໃນໄລຍະຜ່ານມາ ກ່ຽວກັບເລື່ອງບັນດາພັກຝ່າຍພ້ອມກັນເຂົ້າຮ່ວມເລື່ອງແກ້ໄຂສະພາບການຢູ່ພາກໃຕ້ຂອງໄທ. ທ່ານ ອາພິຊິດ ໃຫ້ຮູ້ວ່າ ການຕັດສິນໃຈເຂົ້າຮ່ວມຂອງພັກປະຊາທິປັດໄດ້ຍົກອອກມາ, ໂດຍທ່ານນາຍົກລັດຖະມົນຕີໄທ ຕົກລົງເຂົ້າຮ່ວມໂດຍກົງໃນບັນດາການປຶກສາຫາລືລວມ ແລະ ພາກສ່ວນເຂົ້າຮ່ວມຂອງພັກປະຊາທິປັດຈະແມ່ນບັນດາສະມາຊິກສະພາແຫ່ງຊາດເຂດພາກໃຕ້.
ພາກໃຕ້ຂອງໄທ ແມ່ນເຂດທີ່ຍາມໃດພັກປາຊາທິປັດ ກໍຍາດໄດ້ບັດສະນັບສະໜູນສູງໃນບັນດາການເລືອກຕັ້ງຄັ້ງໃຫຍ່ໃນຊຸມປີມໍ່ໆມານີ້. ເພາະສະນັ້ນ, ຂໍ້ຕົກລົງຄັ້ງນີ້ຂອງຝ່າຍຄ້ານ ຈະສ້າງບັນດາໂອກາດໃຫ້ແກ່ການ ແກ້ໄຂສະພາບການທີ່ສັບສົນຢູ່ພາກໃຕ້ຂອງໄທ.