(vovworld) - ວັນທີ 11/12, ຢູ່ນະຄອນເກີນເທີ, ຄະນະຊີ້ນຳເຂດຕາເວັນຕົກພາກໃຕ້ ໄດ້ຈັດກອງປະຊຸມສະຫຼຸບປີ 2015 ແລະ ຜັນຂະຫຍາຍໜ້າທີ່, ທິດທາງເຄື່ອນໄຫວປີ 2016. ທ່ານຮອງນາຍົກລັດຖະມົນຕີ ຫວູວັນນິງ, ຫົວໜ້າຄະນະຊີ້ນຳເຂດຕາເວັນຕົກພາກໃຕ້ ເປັນປະທານກອງປະຊຸມ. ກ່າວຄຳເຫັນຊີ້ນຳກອງປະຊຸມ, ທ່ານຮອງນາຍົກລັດຖະມົນຕີ ຫວູວັນນິງ ຮຽກຮ້ອງໃນໄລຍະຈະມາເຖິງ, ບັນດາແຂວງ, ນະຄອນເຂດເວັນຕົກພາກໃຕ້ ຕ້ອງສຸມໃສ່ຍູ້ແຮງການສ້າງໂຄງປະກອບກະສິກຳຄືນໃໝ່. ທ່ານຮອງນາຍົກລັດຖະມົນຕີ ຫວູວັນນິງ ກໍຮຽກຮ້ອງຍູ້ໄວການນຳໃຊ້ບັນດາຄວາມກ້າວໜ້າດ້ານວິທະຍາສາດເຕັກນິກ ເຂົ້າໃນການຜະລິດເພື່ອຍົກສູງກຳລັງແກ່ງແຍ່ງ; ຮີບເຮັ່ງກໍ່ສ້າງຮູບແບບສະຫະກອນກະສິກຳແບບໃໝ່; ສຸມໃສ່ລົງທຶນສ້າງພື້ນຖານຄົມມະນາຄົມໃຫ້ສຳເລັດ, ພື້ນຖານເສດຖະກິດຮັບໃຊ້ການຜະລິດ, ພື້ນຖານໂຄງລ່າງຮັບໃຊ້ຊີວິດການເປັນຢູ່ຂອງປະຊາຊົນ.