ບາຣາຊິນດຳເນີນການ ປະຕິຮູບລັດຖະບານ
![ບາຣາຊິນດຳເນີນການ ປະຕິຮູບລັດຖະບານ - ảnh 1](https://image.vovworld.vn/w730/uploaded/vovworld/bcgmbuiq/2014_03_14/tthongbrazildilmaagencia_brasil.jpg)
(ພາບ: Agencia Brasil)
(vovworld)- ວັນທີ 13/3, ທ່ານນາງປະທານາທິບໍດີບຣາຊິນ Dilma Rousseff ໄດ້ແຕ່ງຕັ້ງລັດຖະມົນຕີ 6 ທ່ານພາຍຫຼັງເຫັນດີຕໍ່ໃບຮ້ອງຂໍລາອອກຈາກຕຳແໜ່ງຂອງບັນດາຜູ້ນຳກະຊວງດັ່ງກ່າວເພື່ອເຂົ້າຮ່ວມການຫາສຽງເລືອກຕັ້ງ ໃນການເລືອກຕັ້ງທົ່ວປະເທດທີ່ຈະຈັດຂຶ້ນໃນທ້າຍປີນີ້. ທ່ານນາງປະທານາທິບໍດີບຣາຊິນ Dilma Rousseff ໄດ້ແຕ່ງຕັ້ງທ່ານ Miguel Rossetto ເປັນລັດຖະມົນຕີກະຊວງພັດທະນາກະສິກຳ, ທ່ານ Gilberto Occhi ແມ່ນລັດຖະມົນຕີຮັບຜິດຊອບບັນດານະຄອນ, ໃນຂະນະທີ່ທ່ານ Celio Campolina Dizin ໄດ້ຮັບແຕ່ງຕັ້ງດຳລົງຕຳແໜ່ງລັດຖະມົນຕີກະຊວງວິທະຍາສາດ, ເຕັກໂນໂລຊີ ແລະ ປ່ຽນໃໝ່. ນອກຈາກນັ້ນ, ບັນດາກະຊວງມີການປ່ຽນແປງບຸກຄະລາກອນຂັ້ນສູງສຸດໃນຄັ້ງນີ້ແມ່ນກະຊວງອາຊີບຫາປາ ແລະ ລ້ຽງປູກສິນໃນນ້ຳ, ກະຊວງທ່ອງທ່ຽງ ແລະ ກະຊວງກະສິກຳ. ເພື່ອຈຸດປະສົງຫາສຽງເລືອກຕັ້ງນັ້ນ, ກ່ອນໜ້ານັ້ນ, ບັນດາທ່ານລັດຖະມົນຕີທຳນຽບປະທານາທິບໍດີ, ສາທາລະນະສຸກ ແລະ ການຄ້າຕ່າງປະເທດກໍໄດ້ລາອອກຈາກຕຳແໜ່ງ./.