(VOVWORLD) -ທ່ານນາຍົກລັດຖະມົນຕີໄດ້ຮຽກຮ້ອງໃຫ້ບັນດາກະຊວງ, ຂະແໜງການ, ທ້ອງຖິ່ນ, ປະຊາຊົນທຸກຄົນຕ້ອງມີສະຕິລະວັງຕົວຢ່າງຈະແຈ້ງກ່ຽວກັບຄວາມສ່ຽງຂອງໂລກລະບາດ Covid – 19ໃນຊຸມຊົນ.
 ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ (ພາບ: VGP) |
ຕອນບ່າຍວັນທີ 19 ຕຸລາ, ຢູ່ຮ່າໂນ້ຍ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໄດ້ເປັນປະທານກອງປະຊຸມທາງອອນລາຍຂອງຄະນະປະຈຳລັດຖະບານກັບຄະນະຊີ້ນຳແຫ່ງຊາດກ່ຽວກັບການປ້ອງກັນ, ສະກັດກັ້ນໂລກລະບາດ Covid – 19 ກ່ຽວກັບການຜັນຂະຫຍາຍບາງມາດຕະການປ້ອງກັນ, ສະກັດກັ້ນໂລກລະບາດ ໃນໄລຍະປັດຈຸບັນ.
ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີໄດ້ຮຽກຮ້ອງໃຫ້ບັນດາກະຊວງ, ຂະແໜງການ, ທ້ອງຖິ່ນ, ປະຊາຊົນທຸກຄົນຕ້ອງມີສະຕິລະວັງຕົວຢ່າງຈະແຈ້ງກ່ຽວກັບຄວາມສ່ຽງຂອງໂລກລະບາດ Covid – 19ໃນຊຸມຊົນ. ບໍ່ໄດ້ປະລະ, ເສຍສະຕິລະວັງຕົວ, ປະໝາດ; ຕ້ອງປະຕິບັດບັນດາມາດຕະການປ້ອງກັນ, ສະກັດກັ້ນໂລກລະບາດ Covid – 19 ຢ່າງເຂັ້ມງວດຕາມການແນະນຳຂອງກະຊວງສາທາລະນະສຸກ, ບໍ່ໃຫ້ໂລກລະບາດເກີດຂຶ້ນຄືນໃໝ່