ການໂອ້ລົມສົນທະນາລະຫວ່າງ ຄູອາຈານ ແລະ ນັກຮຽນ
(ພາບ: dantri.com.vn)
(vovworld) - ສັບປະດາທົ່ວໂລກກະທຳເພື່ອການສຶກສາ ປີ 2013 ໄດ້ຮັບການປຸກລະດົມໃນວັນທີ 23/4, ຢູ່ແຂວງ ຫາຍເຢືອງ. ນີ້ແມ່ນເຫດການປະຈຳປີ ນອນຢູ່ໃນຂອບເຂດບັ້ນເຄື່ອນໄຫວທົ່ວໂລກ ກ່ຽວກັບການສຶກສາ ໂດຍສະຫະພັນບັນດາອົງການທີ່ບໍ່ຂຶ້ນກັບລັດຖະບານ ສົມທົບກັບກະຊວງສຶກສາ ແລະ ບຳລຸງສ້າງເປັນປະທານ, ສັບປະດາທົ່ວໂລກ ກະທຳເພື່ອການສຶກສາ ປີນີ້ ຢູ່ ຫວຽດນາມ ຖືກດຳເນີນໄປໃນລະຫວ່າງວັນທີ 21 – 28/4 ດ້ວຍຫົວຂໍ້ວ່າ: “ນັກຮຽນຜູ້ໃດກໍ່ມີສິດໄດ້ຮັບການສອນຈາກຄູອາຈານທີ່ດີ” ແລະ “ຖັນແຖວຄູອາຈານມີຄວາມສາມາດ ແລະ ຄວາມສຸດຈິດສຸດໃຈຕໍ່ນັກຮຽນ”. ສານດັ່ງກ່າວລ້ວນແຕ່ເນັ້ນໜັກເຖິງຄວາມສຳຄັນໃນຖັນແຖວຄູອາຈານ ເພື່ອຮັບປະກັນໃຫ້ທຸກຄົນລ້ວນແຕ່ມີກາລະໂອກາດໄດ້ຮັບການສຶກສາມີຄຸນນະພາບ. ໃນຕະຫລອດສັບປະດາ, ບັນດາໂຮງຮຽນໃນທົ່ວປະເທດຈະຈັດຕັ້ງການປຶກສາຫາລື, ການໂອ້ລົມສົນທະນາໂດຍກົງລະຫວ່າງ ນັກຮຽນ, ນັກສຶກສາ, ພໍ່ແມ່ນັກຮຽນ, ຄູອາຈານ ແລະ ການນຳຂະແໜງສຶກສາທ້ອງຖິ່ນ ກ່ຽວກັບວິທີ ລະອຽດເພື່ອໜູນຊ່ວຍຄູອາຈານດີກ່ວາເກົ່າ.