ປຸກລະດົມໂຄງການ“ຂໍ້ລິເລີ່ມເພື່ອປະຊາຄົມ”
(ການປະຊຸມຂ່າວປຸກລະດົມໂຄງການ “ຂໍ້ລິເລີ່ມເພື່ອປະຊາຄົມ”)
(vovworld) – ທີ່ການປະຊຸມຂ່າວໄດ້ດຳເນີນໃນຕອນບ່າຍວັນທີ 22/6, ຢູ່ ຮ່າໂນ້ຍ, ໂດຍຄະນະຮຽບຮຽງວາລະສານກອມມູນິດ, ສະຫະພັນຊາວໜຸ່ມຫວຽດນາມ, ກະຊວງວິທະຍາສາດ ແລະ ເຕັກໂນໂລຊີ ສົມທົບກັນຈັດຕັ້ງຂຶ້ນ, ທ່ານ ຫງວຽນຟີລອງ, ເລຂາຄະນະສູນກາງຊາວໜຸ່ມ, ປະທານສູນກາງສະຫະພັນຊາວໜຸ່ມຫວຽດນາມ, ໃຫ້ຮູ້ວ່າ: ໂຄງການ “ຂໍ້ລິເລີ່ມເພື່ອປະຊາຄົມ” ແມ່ນກາລະໂອກາດ ເພື່ອໃຫ້ບັນດາໝູ່ຄະນະ, ສ່ວນບຸກຄົນ, ພິເສດແມ່ນຊາວໜຸ່ມເສີມຂະຫຍາຍບົດບາດປະຈັນບານ, ອາສາສະໝັກ, ມີຫົວຄິດປະດິດສ້າງ ແລະ ເປັນເຈົ້າການໃນການປະກອບແນວຄວາມຄິດ, ຂໍ້ລິເລີ່ມໜູນຊ່ວຍປະຊາຄົມໃນບັນດາການເຄື່ອນໄຫວລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ, ປະກອບສ່ວນພັດທະນາເສດຖະກິດ-ສັງຄົມ, ສ້າງສາປະເທດຊາດໃຫ້ໝັ້ນຄົງ, ເຂັ້ມແຂງ, ຮັ່ງມີ, ສີວິໄລ, ຍູ້ແຮງການຫັນເປັນປະເທດອຸດສາຫະກຳ ແລະ ທັນສະໄໝ. ບັນດາຂໍ້ລິເລີ່ມທີ່ມີຫຼາຍຮູບຫຼາຍແບບໃນບັນດາຂົງເຂດການສຶກສາ, ສາທາລະນະສຸກ, ຄົມມະນາຄົມ, ວິທະຍາສາດ-ເຕັກໂນໂລຊີ, ການທ່ອງທ່ຽວ, ການກໍ່ສ້າງຊົນນະບົດໃໝ່…ບັນດາຂໍ້ລິເລີ່ມທີ່ສາມາດເປັນໄປໄດ້ຈະສຸມໃສ່ເຕົ້າໂຮມ ແລະ ສ້າງ “ທະນາຄານບັນດາຂໍ້ລິເລີ່ມ”, ເຊື່ອມ ຈອດກັບບັນດາອົງການ, ວິສາຫະກິດ ເພື່ອຜັນຂະຫຍາຍບັນດາຂໍ້ລິເລີ່ມທີ່ສາມາດເປັນໄປໄດ້. ໂຄງການ “ຂໍ້ລິເລີ່ມເພື່ອປະຊາຄົມ” ໄດ້ຮັບການຜັນຂະຫຍາຍໃນຂອບເຂດທົ່ວປະເທດນັບແຕ່ເດືອນ 6/2015 ເຖິງເດືອນ 12/2015.