ປິດກອງປະຊຸມຄະນະປະຈຳສະພາແຫ່ງຊາດເທື່ອທີ 43
(VOVWORLD) -ພາຍຫຼັງການເຮັດວຽກມາເປັນເວລາກວ່າ 2 ວັນ, ຕອນເຊົ້າວັນທີ 25 ມີນາ, ພາຍໃຕ້ການເປັນປະທານຂອງທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ, ຄະນະປະຈຳສະພາແຫ່ງຊາດໄດ້ປິດກອງປະຊຸມເທື່ອທີ 43 ລົງ.
 ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ກ່າວຄໍາເຫັນທີ່ວາລະປິດ (ພາບ: TTXVN) |
ນະທີ່ນີ້, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ສະເໜີລັດຖະບານ, ຄະນະປະຈຳການບັນດາກຳມາທິການຂອງສະພາແຫ່ງຊາດ ແລະ ບັນດາອົງການຈັດຕັ້ງກ່ຽວຂ້ອງ ຈົ່ງຜັນຂະຫຍາຍການສະຫຼຸບແຕ່ລະເນື້ອໃນ ເພື່ອປະຕິບັດບັນດາບາດກ້າວເດີນຕໍ່ໄປ. ໃນຕົ້ນເດືອນເມສານີ້, ຄະນະປະຈຳສະພາແຫ່ງຊາດຈະຈັດຕັ້ງກອງປະຊຸມສະມາຊິກສະພາແຫ່ງຊາດເຄື່ອນໄຫວສະເພາະກິດ ດ້ວຍຮູບແບບປະຊຸມອອນລາຍ. ທ່ານນາງກ່າວວ່າ:
“ຖ້າຫາກວ່າໃນເດືອນເມສານີ້ ສະພາບການໂລກລະບາດຍັງຄົງສືບຕໍ່ມີການຜັນແປຢ່າງສັບສົນ, ຄະນະປະຈຳສະພາແຫ່ງຊາດ ຈະພິຈາລະນາເວລາຈັດຕັ້ງກອງປະຊຸມ. ຫວຽດນາມ ຄວບຄຸມໂລກລະບາດໄດ້ເປັນຢ່າງດີ ແຕ່ຍັງມີປະກົດການແຜ່ລະບາດອອກສູ່ວົງຄະນະຍາດ. ຊົມເຊີຍລັດຖະບານ ທີ່ໄດ້ຊີ້ນຳທ້ອງຖິ່ນຕ່າງໆສຳຫຼວດຄືນຊາວຕ່າງປະເທດ ແລະ ຊາວຫວຽດນາມກັບມາຈາກຕ່າງປະເທດທຸກຄົນ ທີ່ພວມພັກອາໄສຢູ່ຫວຽດນາມໃນມື້ນີ້. ກຳແໜ້ນໄດ້ບັນດາຂໍ້ມູນດັ່ງກ່າວ, ພວກເຮົາຈະສະກັດກັ້ນການແຜ່ລະບາດອອກສູ່ວົງຄະນະຍາດ”.
ທ່ານນາງ ຫງວຽນທິກິມເງິນ ກໍສະເໜີໃຫ້ເພີ່ມທະວີການໝູນໃຊ້ເຕັກໂນໂລຢີຂໍ້ມູນຂ່າວສານເພື່ອຊີ້ນຳ, ບໍລິຫານ ຮັບໃຊ້ປະຊາຊົນ ຜ່ານການບໍລິການສາທາລະນະອອນລາຍ, ຈຳກັດການເຕົ້າໂຮມຫຼາຍຄົນ. ໄປຄຽງຄູ່ການປ້ອງກັນ ແລະ ສະກັດກັ້ນໂລກລະບາດແລ້ວ ຕ້ອງປະຕິບັດບັນດາມາດຕະການເໝາະສົມເພື່ອໃຫ້ພື້ນຖານເສດຖະກິດ, ສັງຄົມມີຄວາມສະຫງົບເປັນປົກກະຕິ, ຊຸກຍູ້ການຜະລິດດຳເນີນທຸລະກິດ, ປ່ອຍເງິນລົງທຶນພາກລັດ, ແກ້ໄຂບັນຫານ້ຳທະເລຊືມ, ຮັບປະກັນຊີວິດການເປັນຢູ່ຂອງປະຊາຊົນ.