(vovworld) - ຕອນບ່າຍວັນທີ 13 ກັນຍາ, ຢູ່ນະຄອນດ່າຫຼາດ, ຄະນະກຳມະການແຫ່ງຊາດ UNESCO ຫວຽດນາມ (ກະຊວງການຕ່າງປະເທດ), ກະຊວງວັດທະນະທຳ ກິລາ ແລະ ທ່ອງທ່ຽວ ພ້ອມກັບຄະນະກຳມະການປະຊາຊົນແຂວງ ເລີມດົ່ງ ຈັດກອງປະຊຸມກ່ຽວກັບສັບປະດາທ່ອງທ່ຽວປີ 2013 ຢູ່ດ່າຫຼາດ. ສັບປະດາທ່ອງທ່ຽວປີ 2013 ຢູ່ນະຄອນດ່າຫຼາດ ຈະໄດ້ຈັດຂຶ້ນແຕ່ວັນທີ 27 – 31 ທັນວາ 2013, ດ້ວຍ 4 ເຫດການຕົ້ນຕໍ່ຄື: Festival ມໍລະດົກ UNESCO ຫວຽດນາມ - ອາຊຽນ ຄັ້ງທຳອິດ; ປະກາດປີທ່ອງທ່ຽວແຫ່ງຊາດ 2014 ໄຕງວຽນ - ດ່າຫຼາດ; ສະເຫຼີມສະຫຼອງ 120 ປີແຫ່ງວັນສ້າງຕັ້ງ ແລະ ພັດທະນາດ່າຫຼາດ; Festival ດອກໄມ້ດ່າຫຼາດ ຄັ້ງທີ 5. ໃນນັ້ນ, Festival ມໍລະດົກ UNESCO ຫວຽດນາມ - ອາຊຽນ ເປັນຄັ້ງທຳອິດ, ມີການເຂົ້າຮ່ວມຂອງບັນດາປະເທດອາຊຽນ ແລະ 4 ປະເທດຄູ່ຮ່ວມມືນັ້ນແມ່ນ: ອີນເດຍ, ຈີນ, ສ.ເກົາຫຼີ, ຍີ່ປຸ່ນ. ທ່ານດ່ວນວັນຫວຽດ, ຮອງປະທານຄະນະກຳມະການປະຊາຊົນແຂວງເລີມດົ່ງ ໃຫ້ຮູ້ວ່າ.
“ແຜນການດຳເນີນສັບປະດາວັດທະນະທຳ ທ່ອງທ່ຽວປະຈຸບັນພວມຮັບການກະກຽມ ແລະ ແຕ່ນີ້ຮອດທ້າຍເດືອນຕ້ອງສຳເລັດວຽກງານນີ້. ບັນຫາແມ່ນວຽກງານນັ້ນຄືແນວໃດ ເພື່ອສ່ອງແສງ 4 ເນື້ອໃນນັ້ນໄດ້. ແຜນນະໂຍບາຍແມ່ນຫັນເປັນສັງຄົມດ້ວຍທຶນທຸກແຫຼ່ງ, ໃນນັ້ນນັບທັງວິສາຫະກິດ ເປັນຊາວຫວຽດນາມ ອາໄສຢູ່ຕ່າງປະເທດ. ພວກຂ້າພະເຈົ້າເອົາໃຈໃສ່ເຖິງການສ້ອມແປງ, ຍົກລະດັບບາງເສັ້ນທາງ, ບາງກິດຈະກຳກໍ່ສ້າງ, ສວນດອກໄມ້...”