(ພາບ: baomoi.com)
(vovworld)-ຕອນບ່າຍວັນທີ 2/1, ຢູ່ນະຄອນໂຮ່ຈິມິນ, ທ່ານຫງວຽນທຽບ, ເອກອັກຄະລັດຖະທູດຫວຽດນາມປະສຳ ສ.ໂອຕາລິດ ໄດ້ມອບຈຳນວນເງິນ 1000 ເອີໂຣໃຫ້ແກ່ກອງທຶນເພື່ອນັກຮຽນເຈື່ອງຊາທີ່ຮັກແພງ ເພື່ອແນໃສ່ປະກອບກໍ່ສ້າງໂຮງຮຽນໃນເກາະຊິງໂຕນ-ຕາແສງຊິງໂຕນ-ເມືອງເກາະເຈື່ອງຊາ. ທ່ານນາງເຈືອງໝີ້ຮວາ ອະດີດປະທານປະເທດ, ປະທານກອງທຶນສຶກສາວື່ອາຢິງ ຕີລາຄາວ່າ:
“ການສະໜັບສະໜູນຂອງປະຊາຄົມຊາວຫວຽດນາມ ອາໄສຢູ່ຕ່າງປະເທດມີຄວາມໝາຍຫຼາຍທີ່ສຸດ. ປຊຊ ຢູ່ຫ່າງໄກຈາກປະເທດຊາດແຕ່ຍັງມຸ້ງໄປສູ່ບ້ານເກີດເມືອງນອນ, ພ້ອມແລ້ວທີ່ຈະແບ່ງປັນຄວາມຫຍຸ້ງຍາກຂອງປະເທດຊາດ. ການຮ່ວມແຮງຮ່ວມໃຈບໍ່ແມ່ນເລີ່ມຈາກຜູ້ຮັ່ງມີຫລືວ່າຜູ້ທຸກຍາກ ຫາກແມ່ນເລີ່ມຈາກອາລົມຈິດຄວາມຮັກແພງ. ສະນັ້ນ, ຂ້າພະເຈົ້າຕີລາຄາສູງ ແລະ ຖືນ້ຳໃຈຂອງ ປຊຊ ເປັນສຳຄັນ ຊື່ງໄດ້ສະໜັບສະໜູນເພື່ອກໍ່ສ້າງໂຮງຮຽນໃຫ້ພວກຫຼານຢູ່ເຈື່ອງຊາ, ນັ້ນກໍ່ແມ່ນການກະທຳຮັກຊາດ“.
ໂຮງຮຽນໃນຕາແສງເກາະຊິງໂຕນ ໄດ້ເລີ່ມລົງມືກໍ່ສ້າງເມື່ອວັນທີ 8/12/2013 ດ້ວຍຈຳນວນເງິນທັງໝົດແມ່ນປະມານ 12 ຕື້ດົ່ງ. ປະຈຸບັນ, ບັນດາຫົວໜ່ວຍພວມຮີບເຮັ່ງທຳການກໍ່ສ້າງເພື່ອສາມາດຈັດພິທີເປີດສະຫຼອງໃນວັນທີ 30/4/2014/./.