(ພາບປະກອບ: Shutterstock/TTXVN)

ຕໍ່ໜ້າຄວາມສ່ຽງພະຍາດໝາກສຸກລີງຈະແຜ່ລະບາດສູ່ ຫວຽດນາມ, ຕອນບ່າຍວັນທີ 24 ກໍລະກົດ, ທ່ານນາງຮອງລັດຖະມົນຕີກະຊວງສາທາລະນະສຸກ ຫວຽດນາມ ຫງວຽນທິລຽນເຮືອງ ໄດ້ເປັນປະທານກອງປະຊຸມທາງໄກເພື່ອປຶກສາຫາລືກ່ຽວກັບມາດຕະການຮັບມືກັບພະຍາດ ໝາກສຸກລີງ. ທີ່ກອງປະຊຸມ, ບັນດານັກຊ່ຽວຊານດ້ານສາທາລະນະສຸກ ໃຫ້ຂໍ້ສັງເກດວ່າ: ຫວຽດນາມ ຍັງບໍ່ທັນຢັ້ງຢືນມີກໍລະນີຕິດເຊື້ອພະຍາດໝາກສຸກລີງໃດໆ ເຖິງຢ່າງໃດກໍຕາມ, ຄວາມສ່ຽງ ທີ່ພະຍາດດັ່ງກ່າວຈະແຜ່ລະບາດສູ່ ຫວຽດນາມ ແມ່ນໃຫຍ່ຫຼວງທີ່ສຸດ. ກໍໃນກອງປະຊຸມດັ່ງກ່າວ, ກະຊວງສາທາລະນະສຸກ ໄດ້ສະເໜີຄຳກ່າວເຕືອນກ່ຽວກັບການປ້ອງກັນ, ຕ້ານພະຍາດໝາກສຸກລີງ ແລະ ບອກເຕືອນປະຊາຊົນ ຈົ່ງເປັນເຈົ້າການປະຕິບັດບັນດາມາດຕະການຄື: ລ້າງມືດ້ວຍສະບູ ແລະ ນ້ຳສະອາດ ຫຼື ເຈວລ້າງມືເປັນປະຈຳ; ຮັບປະກັນຄວາມປອດໄພດ້ານສະບຽງອາຫານ, ປະຕິບັດວິຖີການດຳລົງຊີວິດທີ່ປອດໃສ, ເພີ່ມທະວີການອອກກຳລັງກາຍ, ຍົກສູງສຸຂະພາບ; ເປັນເຈົ້າການຕິດຕໍ່ຫາອົງການສາທາລະນະສຸກ ແລະ ແຍກປ່ຽວ ເມື່ອມີອາການສົງໄສວ່າຕິດເຊື້ອ.