(vovworld) - ວັນທີ 05/05, ພົນເອກ ເຈີນດ້າຍກວາງ, ລັດຖະມົນຕີກະຊວງຕຳຫຼວດ ໄດ້ເປັນເຈົ້າພາບພິທີປະດັບຫຼຽນກາທີ່ລະນຶກປົກປັກຮັກສາຄວາມສະຫງົບແຫ່ງຊາດ ຂອງກະຊວງຕຳຫຼວດຫວຽດນາມ ໃຫ້ທ່ານ Sugi Ryotaro, ທູດພິເສດຫວຽດນາມ - ຍີ່ປຸ່ນ, ທັງເປັນທູດພິເສດຍີ່ປຸ່ນ - ຫວຽດນາມ. ກ່າວຄຳເຫັນທີ່ພິທີ, ພົນເອກ ເຈີນດ້ານກວາງ ຊີ້ແຈ້ງວ່າ: ໃນຊຸມປີຜ່ານມາ, ການພົວພັນຮ່ວມມືມິດຕະພາບລະຫວ່າງຫວຽດນາມ - ຍີ່ປຸ່ນ ນັບມື້ນັບພັດທະນາ ແລະ ໄດ້ຮັບການເປີດກວ້າງໃນທຸກດ້ານ, ບັນລຸບັນດາຜົນງານອັນຕັ້ງໜ້າໃນທຸກຂົງເຂດ. ໃນວິວັດການພັດທະນານັ້ນ, ຍາມໃດທ່ານເອກອັກຄະລັດຖະທູດ Sugi Ryotaro ກໍ່ມີການປະກອບສ່ວນສຳຄັນເຂົ້າໃນການຊຸກຍູ້ການພົວພັນຮ່ວມມືລະຫວ່າງຫວຽດນາມ ແລະ ຍີ່ປຸ່ນ, ພັດທະນາສາຍພົວພັນມິດຕະພາບກັບຫວຽດນາມ ແລະ ຊຸກຍູ້ຄວາມເຂົ້າໃຈເຊິ່ງກັນແລະກັນ ລະຫວ່າງ 2 ປະເທດ, ຜ່ານບັນດາລາຍການຮ່ວມມື ແລະ ຜັນຂະຫຍາຍການເຄື່ອນໄຫວວັດທະນະທຳຕ່າງໆ; ພິເສດໄດ້ໜູນຊ່ວຍ, ຊ່ວຍເຫຼືອກະຊວງຕຳຫຼວດຫວຽດນາມ ໃນວຽກງານປ້ອງກັນໄຟໄໝ້, ກູ້ໄພກູ້ຊີບ... ພົນເອກ ເຈີນດ້ານກວາງ ປາດຖະໜາວ່າ ດ້ວຍບົດບາດອິດທິພົນຂອງຕົນ, ທ່ານ Sugi Ryotaro ສືບຕໍ່ຜັນຂະຫຍາຍບັນດາການເຄື່ອນໄຫວຊຸກຍູ້ການພັດທະນາການພົວພັນຮ່ວມມືລະຫວ່າງກະຊວງຕຳຫຼວດຫວຽດນາມ ກັບບັນດາອົງການທີ່ກ່ຽວຂ້ອງຂອງຍີ່ປຸ່ນ.