(vovworld) – ກ່າວຄຳເຫັນທີ່ການຕ້ອນຮັບປະທານສະຫະສະມາຄົມວິສາຫະກິດ ຍີ່ປຸ່ນ ປະຈຳ ຫວຽດນາມ ທ່ານ Motonobu Sato ໃນວັນທີ 8/2, ທ່ານປະທານປະເທດ ເຈືອງເຕີນຊາງ ຕີລາຄາສູງບັນດາການປະກອບສ່ວນສຳຄັນຂອງປະຊາຄົມວິສາຫະກິດ ຍີ່ປຸ່ນ ເຂົ້າໃນການຊຸກຍູ້ການຮ່ວມມື ຫວຽດນາມ - ຍີ່ປຸ່ນ. ທ່ານປະທານປະເທດ ຖືວ່າ: ຄວາມສາມາດບົ່ມຊ້ອນເພື່ອເພີ່ມທະວີການຮ່ວມມືຍັງຫຼາຍຢູ່, ພິເສດໃນການຮ່ວມມືດ້ານເສດຖະກິດ, ການຄ້າ, ການລົງທຶນ. ດັ່ງນັ້ນ, ປະທານປະເທດ ແລະ ບັນດາການນຳກະຊວງ, ຂະແໜງການ ຫວຽດນາມ ຢືນຢັນ ສືບຕໍ່ສ້າງທຸກໆເງື່ອນໄຂອຳນວຍຄວາມສະດວກໃຫ້ການລົງທຶນຕ່າງປະເທດເວົ້າລວມ ແລະ ຍີ່ປຸ່ນເວົ້າສະເພາະ, ພ້ອມທັງຫວັງວ່າການລົງທຶນຂອງ ຍີ່ປຸ່ນ ເຂົ້າ ຫວຽດນາມ ຈະສູງກ່ວາອີກໃນຊຸມປີຈະມາເຖິງ.
ສ່ວນທ່ານປະທານສະຫະສະມາຄົມວິສາຫະກິດ ຍີ່ປຸ່ນ ປະຈຳ ຫວຽດນາມ Motonobu Sato ແລະ ຜູ້ຕາງໜ້າບັນດາວິສາຫະກິດໃຫຍ່ ຂອງ ຍີ່ປຸ່ນ ພວມດຳເນີນທຸລະກິດ ຢູ່ ຫວຽດນາມ ຢືນຢັນຈະເພີ່ມທະວີການຮ່ວມມື ແລະ ຍູ້ແຮງການລົງທຶນເຂົ້າ ຫວຽດນາມ ເພື່ອສືບຕໍ່ບັນລຸໄດ້ບັນດາຄາດໝາຍສູງກ່ວາທັງດ້ານມຸນຄ່າ ແລະ ຄຸນນະພາບການລົງທຶນ.