ປະທານປະເທດເຈືອງເຕີນຊາງພົບປະກັບຜູ້ມີສິດເລືອກຕັ້ງນະຄອນໂຮ່ຈິມິນ
ທ່ານປະທານປະເທດເຈືອງເຕີນຊາງ
ພົບປະກັບຜູ້ມີສິດເລືອກຕັ້ງນະຄອນໂຮ່ຈິມິນ
(ພາບ: nld)
(vovworld) - ພາຍຫຼັງກອງປະຊຸມສະໄໝສາມັນເທື່ອທີ 10, ສະພາແຫ່ງຊາດຫວຽດນາມ ຊຸດທີ 13. ວັນທີ 05/12, ທ່ານປະທານປະເທດ ເຈືອງເຕີນຊາງ ພ້ອມກັບຄະນະສະມາຊິກສະພາແຫ່ງຊາດນະຄອນໂຮ່ຈິມິນ ໄດ້ລົງພົບປະກັບຜູ້ມີສິດເລືອກຕັ້ງເມືອງ 1. ທີ່ການພົບປະ, ຜູ້ມີສິດເລືອກຕັ້ງສະເໜີຕ້ອງຍົກສູງບົດບາດຕິດຕາມຂອງສະພາແຫ່ງຊາດກວ່າອີກ; ມີມາດຕະການຢ່າງແຮງ ແລະ ຂ້ຽວຂາດກວ່າເພື່ອສະກັດກັ້ນສະພາບສໍ້ລາດບັງຫຼວງ, ການຟຸມເຟືອຍ.
ທ່ານປະທານປະເທດ ເຈືອງເຕີນຊາງ ປາດຖະໜາວ່າ, ຜູ້ມີສິດເລືອກຕັ້ງຈະສືບຕໍ່ອຸທິດສ່ວນ ແລະ ປະກອບຄຳເຫັນໃຫ້ອົງຄະນະພັກ, ອຳນາດການປົກຄອງໃນຫານບໍລິການທ້ອງຖິ່ນ ກໍຄືປະເທດຊາດເວົ້າລວມ. ເມື່ອເຕື້ອງເຖິງເລື່ອງຮົ່ວໄຫຼໃນວຽກງານຄຸ້ມຄອງເສດຖະກິດຢູ່ບັນດາກຸ່ມບໍລິສັດແຫ່ງລັດ ເຊິ່ງຜູ້ມີສິດເລືອກຕັ້ງຍົກອອກມາ, ທ່ານປະທານປະເທດ ເນັ້ນໜັກວ່າ, ພັກ, ລັດ ຈະແກ້ໄຂບັນດາການກະທຳຜິດ. ກ່ຽວກັບວຽກງານປ້ອງກັນ, ຕ້ານການສໍ້ລາດບັງຫຼວງ, ທ່ານປະທານປະເທດ ເຈືອງເຕີນຊາງ ເນັ້ນໜັກວ່າ, ໃນໄລຍະຜ່ານມາ, ບັນດາອົງການມີໜ້າທີ່ໄດ້ເຮັດວຽກຢ່າງຂ້ຽວຂາດ, ບັນລຸໄດ້ບັນດາຜົນງານຕັ້ງໜ້າ ແຕ່ຍັງບໍ່ທັນບັນລຸໄດ້ຄາດໝາຍທີ່ໄດ້ວາງອອກ. ກ່ຽວກັບວຽກງານພະນັກງານ, ໃນນັ້ນມີບຸກຄະລາກອນຂັ້ນສູນກາງ 12, ທ່ານປະທານປະເທດ ຖືວ່າ, ຜູ້ມີສິດເລືອກຕັ້ງແມ່ນຜູ້ມີສິດຄັດເລືອກ, ຕ້ອງເປັນເຈົ້າການປະກອບຄຳເຫັນເພື່ອສາມາດຄັດເລືອກຢ່າງຖືກຕ້ອງ.