(vovworld) – ກ່າວຄຳເຫັນກັບປະຊາຊົນເຂດຊຸມຊົນເລກ 6 ແລະ ເລກ 9 ຕາແສງກວານແທ໋ງ, ເມືອງບາດິ່ງ, ໃນຕອນຄຳ່ວັນທີ 8/11, ທ່ານ ປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ່ຽນເຍິນຢືນຢັນວ່າ, ຄວາມສາມັກຄີແມ່ນມູນເຊື້ອອັນລຳ້ຄ່າຂອງຊາດຫວຽດນາມ. ເສີມຂະຫຍາຍຄວາມສາມັກຄີແມ່ນໜຶ່ງໃນບັນດາບົດຮຽນໃຫຍ່ຂອງການປະຕິວັດຫວຽດນາມ, ເຊິ່ງໄດ້ຮັບການຢັ້ງຢືນຜ່ານບັນດາໄລຍະປະຫວັດສາດ. ຄວາມສາມັກຄີຊົນຊາດ ແມ່ນແຫຼ່ງກຳລັງແຮງ, ກຳລັງໜູນທີ່ສຳຄັນ ແລະ ແມ່ນປັດໃຈຕັດສິນຮັບປະກັນໄຊຊະນະຂອງພາລະກິດຕໍ່ສູ້, ສ້າງສາ ແລະ ປົກປັກຮັກສາປະເທດຊາດ. ທ່ານຮອງນາຍົກລັດຖະມົນຕີຍັງເນັ້ນໜັກເຖິງບາງເນື້ອໃນເພື່ອແນໃສ່ເສີມຂະຫຍາຍກຸ່ມກ້ອນມະຫາສາມັກຄີກວ່າອີກ. ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ່ຽນເຍິນ ສະເໜີສອງເຂດຊຸມຊົນດັ່ງກ່າວສືບຕໍ່ປະຕິບັດບັ້ນຂົນຂວາຍ “ທົ່ວປວງຊົນສາມັກຄີກໍ່ສ້າງຊີວິດວັດທະນະທຳຢູ່ເຂດຊຸມຊົນ“ ໃຫ້ດີ, ພັດທະນາເສດຖະກິດຕິດພັນກັບການກໍ່ສ້າງຄອບຄົວໃຫ້ມີຄວາມຜາສຸກ, ກໍ່ສ້າງສັງຄົມແຫ່ງການຮຳ່ຮຽນ, ສ້າງຄວາມເຫັນດີເຫັນພ້ອມໃນໝູ່ປະຊາຊົນ. ທ່ານກໍ່ໄດ້ສະເໜີປະຊາຊົນເຂົ້າຮ່ວມວຽກງານຕິດຕາມກວດກາພັກ, ອຳນາດການປົກຄອງ, ແນວໂຮມ ເພື່ອສ້າງຄວາມສາມັກຄີຢ່າງແທ້ຈິງ, ນຳປະເທດພັດທະນາ.