ປະທານສະພາແຫ່ງຊາດ ລາວ ຕີລາຄາສູງບົດບາດ ຂອງທະຫານອາສາສະໝັກຫວຽດນາມ
ມິ້ບິ່ງ, ນັກຂ່າວ VOV ປະຈຳລາວ -
(ທ່ານນາງ ປານີ ຢາທໍ່ຕູ້, ປະທານສະພາແຫ່ງຊາດລາວ ຕ້ອນຮັບຄະນະ)
(vovworld) – ໃນຂອບເຂດການຢ້ຽມຢາມສະໜາມຮົບເກົ່າ ຕາມຄຳເຊີນຂອງກະຊວງປ້ອງກັນປະເທດລາວ, ວັນທີ 03/02, ຢູ່ນະຄອນຫຼວງວຽງຈັນ, ພົນຕີ ຫງວຽນຕຽນລອງ, ຮອງຫົວໜ້າຄະນະຕິດຕໍ່ພົວພັນທະຫານອາສາສະໝັກ ແລະ ອະດີດນັກຊ່ຽວຊານຫວຽດນາມ ຢູ່ ລາວ, ໄດ້ມີການພົບປະກັບທ່ານນາງ ປານີ ຢາທໍ່ຕູ້, ປະທານສະພາແຫ່ງຊາດລາວ. ທ່ານນາງ ປານີ ຢາທໍ່ຕູ ຢືນຢັນວ່າ, ນີ້ແມ່ນການຢ້ຽມຢາມມີຄວາມໝາຍສຳຄັນພິເສດເມື່ອກອງທັບ 2 ປະເທດຫາກໍ່ຈັດພິທີສະເຫຼີມສະຫຼອງ 65 ປີແຫ່ງວັນມູນເຊື້ອທະຫານອາສາສະໝັກ ແລະ ອະດີດນັກຊ່ຽວຊານຫວຽດນາມ ຊ່ວຍເຫຼືອລາວ. ດ້ວຍການຊ່ວຍເຫຼືອຂອງນັກຊ່ຽວຊານດ້ານການທະຫານ ແລະ ທະຫານອາສາສະໝັກຫວຽດນາມ, ກອງທັບປົດປ່ອຍປະຊາຊົນລາວ ຈຶ່ງໄດ້ຮັບການສ້າງຕັ້ງ ແລະ ກຳລັງທະຫານໄດ້ຮັບການພັດທະນາຢ່າງວ່ອງໄວ, ເຕີບໃຫຍ່ຢ່າງບໍ່ຢຸດຢັ້ງ, ພ້ອມກັນນັ້ນສຳພັນທະມິດສູ້ຮົບຕີໄຊຊະນະສັດຕູລວມ ແລະ ຍາດໄດ້ເອກະລາດ, ເສລີພາບໃຫ້ທັງ 2 ຊາດ.
ກ່ອນໜ້ານັ້ນ, ຄະນະຜູ້ແທນໄດ້ມີການພົບປະກັບທ່ານຮອງປະທານປະເທດລາວ ບຸນຍັງ ວໍລະຈິດ ແລະ ທ່ານລັດຖະມົນຕີວ່າການກະຊວງປ້ອງກັນປະເທດລາວ ແສງນວນ ໄຊຍະລາດ. ຄະນະຜູ້ແທນກໍ່ມາຢ້ຽມຢາມ ແລະ ມອບຂອງຂວັນໃຫ້ທ່ານ ພົນເອກ ສີສະຫວາດ ແກ້ວບຸນພັນ, ຢ້ຽມຢາມສະຖານທູດຫວຽດນາມ ແລະ ສຳນັກງານທູດທະຫານກະຊວງປ້ອງກັນປະເທດຫວຽດນາມ ປະຈຳລາວ.
ມິ້ບິ່ງ, ນັກຂ່າວ VOV ປະຈຳລາວ