ປະທານາທິບໍດີອາເມລິກາຕັ້ງຄວາມຫວັງເຂົ້າໃນການພົບປະກັບການນຳສປປ.ເກົາຫຼີ
(VOVWORLD) -ວັນທີ 06 ມິຖຸນາ, ທ່ານປະທານາທິບໍດີອາເມລິກາ Donald Trump ໄດ້ສະແດງຄວາມຫວັງວ່າ, ກອງປະຊຸມສຸດຍອດທີ່ໄດ້ຂຶ້ນແຜນການແລ້ວກັບການນຳສປປ.ເກົາຫຼີ Kim Jong un ຈະແມ່ນການເປີດສາກ “ສິ່ງໃດໜຶ່ງທີ່ໃຫຍ່ຫຼວງ”.
|
 ທ່ານປະທານາທິບໍດີ Donald Trump
(ພາບປະກອບ: REUTERS)
|
ໃນສື່ສັງຄົມອອນລາຍ Twitter ສ່ວນຕົວ, ທ່ານປະທານາທິບໍດີ Donald Trump ຂຽນວ່າ: “ການພົບປະກັບ ສປປ.ເກົາຫຼີ ຢູ່ສິງກະໂປ ຫວັງວ່າ ຈະແມ່ນການເປີດສາກສິ່ງໃດໜຶ່ງທີ່ໃຫຍ່ຫຼວງ. ພວກເຮົາຈະໄດ້ເຫັນປະຈັກຕາໂດຍໄວ”.
ສານດັ່ງກ່າວໄດ້ຍົກອອກມາ ພາຍຫຼັງທຳນຽບຂາວແຈ້ງໃຫ້ຊາບວ່າ ການພົບປະສຸດຍອດລະຫວ່າງອາເມລິກາ - ສປປ.ເກົາຫຼີ ຄັ້ງທຳອິດ ຈະດຳເນີນໃນເວລາ 9 ໂມງ (ຕາມເວລາສິງກະໂປ) ຢູ່ປະເທດສິງກະໂປ ໃນວັນທີ 12 ມິຖຸນາ ຈະມາເຖິງ.