ວັນທີ 18 ມິຖຸນາ, ທ່ານປະທານາທິບໍດີອາເມລິກາ D.Trump ໄດ້ກ່າວເຕືອນວ່າ, ວໍຊິງຕັນ ມີແຜນການຢຸດຕິການພົວພັນດ້ານການຄ້າກັບຈີນ, ໂດຍບໍ່ຫົວຊາຕໍ່ເລື່ອງ 2 ປະເທດໃຫ້ຄຳໝັ້ນສັນຍາມຸ່ງໄປເຖິງຂໍ້ຕົກລົງດ້ານການຄ້າ 2 ຝ່າຍ ເພື່ອແນໃສ່ແກ້ໄຂບັນດາຄວາມບໍ່ລົງລອຍກັນດ້ານການຄ້າທີ່ແກ່ຍາວຕະຫຼອດເວລາ 1 ປີຜ່ານມາ.

        ການນຳອາເມລິກາ ຊີ້ແຈ້ງໃນສື່ສັງຄົມອອນລາຍ Twitter ວ່າ, ວໍຊິງຕັນ ຍັງຮັກສາແຜນນະໂຍບາຍ ອາດຈະ “ຢຸດຕິການພົວພັນດ້ານການຄ້າ” ກັບຈີນ ໃນບາງກໍລະນີ. ຄຳຖະແຫຼງດັ່ງກ່າວຂອງທ່ານ D.Trump ເປັນການຕອບຄືນບັນດາຄຳກ່າວປາໄສກ່ອນໜ້ານັ້ນຂອງຜູ້ຕາງໜ້າດ້ານການຄ້າອາເມລິກາ ທ່ານ Robert Lighthizer - ຜູ້ຕາງໜ້າຂອງອາເມລິກາ ຢູ່ທີ່ການເຈລະຈາແກ້ໄຂການຂັດແຍ້ງກັນດ້ານການຄ້າກັບຈີນ.

        ກ່ອນໜ້ານັ້ນ, ວັນທີ 17 ມິຖຸນາ, ທ່ານ Robert Lighthizer ຢືນຢັນວ່າ, ມາຮອດປະຈຸບັນ, ຈີນ ຍັງປະຕິບັດບັນດາມາດຕາໃນຂໍ້ຕົກລົງດ້ານການຄ້າໄລຍະ 1 ລະຫວ່າງ 2 ປະເທດຢູ່, ແຕ່ໃນຈຸດເວລານີ້ແມ່ນຍັງບໍ່ສາມາດປະຕິບັດການແຍກ 2 ພື້ນຖານເສດຖະກິດໃຫຍ່ແຖວໜ້າໂລກອອກຈາກກັນໄດ້ເທື່ອ.